港專開幕 張曉明現身

【明報專訊】港專馬鞍山本科校園噚日開幕，港專唔少校董、管理層都係建制派人士，噚日當然請到唔少重量級人馬出席，好似中聯辦主任張曉明（左三）、署理特首林鄭月娥（右五）、基本法委員會副主任梁愛詩（右三）都現身，張曉明仲畀唔少出席者捉住喺校園內齊齊合照。


不過，噚日嘅傳媒安排似乎唔多好，唔知係咪為咗啲達官貴人，雖然學校同記者講活動係朝早11點開始，但其實港專學生無得返學，唔使參加慶祝校園開幕嘅大事。記者亦無得周圍去參觀校園，只可以喺指定位置採訪。


（劉焌陶攝）