ICC垂直跑 澳洲選手奪冠

【明報專訊】第四屆「新地公益垂直跑——勇闖香港ICC」噚日啟動，有1600名選手參加，為發展基層兒童及青少年服務籌款，預計會籌得600萬元，善款會捐畀香港公益金及社會服務聯會。「勇闖香港ICC」係「2015垂直跑馬拉松世界巡迴賽」最後一站，澳洲女選手Suzy Walsham（圖）唔單止喺今次精英賽以14分14秒奪冠，仲拎埋巡迴賽女子組冠軍。巡迴賽男子組冠軍就由Piotr Lobodzinski奪得；精英賽男子組則由澳洲選手Darren Wilson 以11分52秒摘冠。


新地主席郭炳聯、新地執行董事郭基煇話自己參加咗單車節同埋噚日嘅垂直跑活動，二人都同聲話，連續幾個月運動令身體更健康、頭腦更清晰，更勇於面對工作嘅挑戰。