新聞類別
副刊
詳情#
【明報專訊】政商界近年大談一帶一路，新民黨主席葉劉淑儀早前成立「海上絲綢之路協會」，最近又再喺協會下成立青年機遇委員會，大打年輕牌。呢個協會由全國政協常委李家傑做主席、近日頻頻隨葉太亮相嘅大律師容海恩同富二代、廣西政協常委蔡加讚做副主席，佢哋將會大搞實習計劃同考察團，似乎雄心勃勃。
絲路協會下設青機會
葉太話青機會已聯絡唔少大企業，提供實習機會畀本港大學生，去泰國、越南、新加坡，甚至捷克、印度、加拿大等地做實習生，好似嘉里、信和、中電甚至半島酒店個集團都有提供實習職位，行業包括酒店、運輸、工程、製造業等，希望學生喺4至8星期嘅實習，更了解一帶一路及香港以外嘅發展機會。
青機會另一個活動就會喺下年3月底舉辦海上絲路文化探索之旅，去福建泉州等地考察，皆因福建係海上絲路起點，希望後生仔了解更多。葉太都會隨團，仲話想搵本身係福建人嘅藝人林峯亮一亮相
留言 (0)
