閃躍維港 光雕聖誕童話

【明報專訊】聖誕臨近，旅發局新一輪「閃躍維港」3D光雕匯演噚晚起喺尖沙嘴上演。匯演以聖誕童話故事為主題，Emily去睇過，見到文化中心及鐘樓外牆投射咗立體影像，透過燈光同特別音響效果，變成一本冬日故事書，故事係小精靈將佈置飾品送到香港，穿梭大街為建築物安裝五光十色嘅聖誕燈飾，亦為小女孩送上禮物。


光雕匯演會上演至本月28號，每晚有4場，分別喺8:20、8:45、9:15、9:45，每節約8分鐘。有興趣可上DiscoverHongKong.com/hkpulse/tc了解詳情。