民陣傾向元旦唔遊行

【明報專訊】過去3年民陣都有舉辦元旦遊行，但因為缺乏政治同政制嘅議題，所以民陣傾向明年唔搞元旦遊行，反而會重點協助民間團體喺社會推廣全民退休保障嘅公眾諮詢，鼓勵市民發表意見。


民陣召集人岑子杰話，過去元旦遊行嘅議題以政治為主，但當下暫時未有一個好大嘅政治、政制議題。佢話，其實民陣元旦遊行唔係每年必要，只係過去幾年有政改爭議，所以先會每年舉行。唔搞遊行，可以用多啲力協助全民退保公眾諮詢嘅工作。


元旦遊行的確唔係年年都有，2010年之後，去到2013、2014年先至再搞，主題都係圍繞「還我普選」、要求特首梁振英下台，以及落實真普選。而2015年嘅元旦遊行，亦因為政改諮詢而押後到2月1日舉行。