田北辰湊孫 諗起版權法

【明報專訊】聖誕節就到，唔少商場都有聖誕裝飾，新民黨副主席田北辰噚日喺fb上載相片大曬湊孫福。田二少話，每個星期五立法會開完財委會，佢就好似放工咁輕鬆，快樂莫過於孫女「接放工」。佢早前就抱住孫女到中環、金鐘商場睇聖誕樹、燈飾等，又一齊哼聖誕歌，享受天倫樂。


近日版權修訂條例成為熱話，或者唔少議員都對條例一知半解，田二少就話不斷思考，如果將同孫女一齊唱聖誕歌嘅片段放上網，又算唔算違反版權修訂條例呢？但田二少就好有信心咁話﹕「說笑啦，當然不會啦。」


（田北辰facebook圖片）