新聞類別
財經
詳情#
【明報專訊】安倍經濟學打救唔到日本經濟，日本文化輸出可能不失為一條出路。日本動畫株式會社（Nippon Animation）今年成立40周年，唔單止喺日本大搞慶生騷，仲遠赴千里來到香港嘅荃灣愉景新城搞「經典卡通聖誕樂園」，展品來自《義犬報恩》、《長腿叔叔》等動畫片入邊嘅經典場景，都係小琴嘅童年回憶嚟㗎。
日本國內動漫產業龐大，不過論出口份額就一定無汽車、家電咁大。早排親臨愉景新城嘅Nippon Animation國際部社長松岡泰彥話，日本政府家都好落力喺海外推動日本動漫文化，呢個展覽一半嘅資金都係政府出資，展覽喺今個月尾完結後，公司仲諗住再去台灣舉辦。
經典作品膠片原畫曝光
今次同動畫相關嘅「衍生產品」，如圖書、唱片、郵票、日曆，以及罕有嘅膠片原畫等都有展出。
日本動畫片唔單靠播映收入，周邊產品都佔收入一半，睇Nippon Animation旗下名作《櫻桃小丸子》嘅威力就可知，咁又係，有時除咗物質，每個人都需要有回憶嘛。
[小琴密語]
日本國內動漫產業龐大，不過論出口份額就一定無汽車、家電咁大。早排親臨愉景新城嘅Nippon Animation國際部社長松岡泰彥話，日本政府家都好落力喺海外推動日本動漫文化，呢個展覽一半嘅資金都係政府出資，展覽喺今個月尾完結後，公司仲諗住再去台灣舉辦。
經典作品膠片原畫曝光
今次同動畫相關嘅「衍生產品」，如圖書、唱片、郵票、日曆，以及罕有嘅膠片原畫等都有展出。
日本動畫片唔單靠播映收入，周邊產品都佔收入一半，睇Nippon Animation旗下名作《櫻桃小丸子》嘅威力就可知，咁又係，有時除咗物質，每個人都需要有回憶嘛。
[小琴密語]
留言 (0)
