港售海外集郵品 英星戰搶手

【明報專訊】下周就係聖誕，香港郵政噚日開始賣海外郵政機關發行嘅集郵品，當中大部分以聖誕為主題，集郵迷要注意喇。Emily噚日上香港郵政網上購物坊「樂滿郵」睇過，截至噚日6點，近半集郵品已缺貨，當中英國皇家郵政推出嘅「星球大戰：銀河系最具代表性的郵票」系列，已經有5款星戰集郵品喺網上缺貨，包括一套12枚、集齊星戰各主要角色嘅郵票，同埋黑武士郵票等。


每名市民限買兩件

除咗星戰，其他仲有來自澳洲、加拿大、澳門、新西蘭嘅集郵品。唔想上網買，市民可以到38間集郵局買，喺網上買唔到心頭好嘅市民唔使灰心住，仲可以到集郵局碰碰運氣。Emily提提大家，每名市民限買兩件集郵品，有興趣就趁早入手喇。