９．COACH退租中環旗艦店

【明報專訊】今年的確見證了奢侈品市場衰落，當中最經典的，當然是9月中高檔手袋品牌COACH退租中環4層逾萬呎旗艦店。早幾年，國際奢侈品牌香港店人頭湧湧，一到節日或黃金周，外面總會排住長長的人龍等住入去朝聖，今年不要說人龍，連人影都唔多見，就知名店生意有幾差。連一向不屑減價的Gucci、Prada、Burberry都要降低身段，減價促銷去存貨。退租旺舖都是預期中事，COACH今年9月就率先退租中環旗艦店，先頂得住呢股零售冷鋒。


COACH中環旗艦店屹立中環8年，已成為中環其中一個地標，退租確實令人有些唏噓。始終立足這條街，對零售商來說絕對是身分象徵，更出人意表的，是接租的是運動品牌adidas，雖然adidas近年撈到風山水起，但擺間adidas旗艦店在中環皇后大道中，真係要問一句「襯咩」？不過，襯唔襯唔係你同我講，喺商業世界，有錢就是任性，今日中環皇后大道中係名店林立的黃金路，他日或者會成為運動潮流聖地呢！