４．港股「大時代」奏哀歌

【明報專訊】直到現在，還有人覺得4月份短暫的升市並不可以叫做「大時代」，因為升市只是曇花一現，秋官套《大時代》都未播完，恒指就已經見完高位回落緊。所謂「養兵千日，用在一時」，港股沉寂了幾年，就是在等一個藉口，但想不到今次的主題是已經開始了幾個月的「滬港通」，令恒指4月底谷上海嘯後高位28588高點。其實2007年都見過32000點，當時的誘因是「港股直通車」，原來大家無汲取過教訓。


有些道理，往往在大家最瘋狂的時候會忘記，就好似「擦鞋童理論」。話說上世紀20年代，美國甘迺迪家族一位成員去擦鞋，連個擦鞋童都話買了股票，佢就諗﹕「個個都買咗股票等沽，個市除咗跌，無第二條路。」於是佢就沽晒股票，避開了1929年的大蕭條。今年4月恒指升穿28000點，有財演走出來說40000點指日可待，大家好應該明白係講緊反話。下次如果再見到銀行股票機前面好多人、坐巴士隔籬位又睇緊股票，請大家記得呢一點：及時行樂。