報「嫖妓論」接7000投訴 李：唔覺無綫新聞有錯

【明報專訊】無綫新聞報道立法會議員吳亮星「嫖妓論」所接投訴急升，通訊局前日接獲近4000宗投訴，昨累計升至近7000宗，主要不滿報道未經證實、失實誤導。無綫集團行政總裁兼執行董事李寶安回應﹕「撫心自問，報道啫，佢喺公眾場合講，我唔覺得我哋有咩錯，佢真係發生咗。」


「呢個批評代表緊家個現實，有啲人唔鍾意聽呢啲說話，佢批評，但唔可以佢批評我就話新聞部唔好播，你揀過，啱聽播，唔啱聽唔好播，咁咪正正違反新聞部獨立嘅準則囉？」李寶安認為應讓新聞部以良心報道，不加亦不減，相信報道事實不會違反守則。


高興投訴者在看無綫

對於同有報道「嫖妓論」的有線新聞並沒接獲大量投訴，李寶安說﹕「我唔知佢有無收投訴，家投訴好多時政治化。」他說，現時社會撕裂，佔中時正反兩面都有投訴，無綫放灰色出來，黑色的說不夠黑，白色的又說不夠白。雖不斷被投訴，他仍感高興，證明投訴者正在看無綫。


指「中國梅鐸」無干預運作

對於被指引入「紅色資本」，李寶安稱無綫股東有多類，分別來自美國、台灣、香港及內地，亦有小股東，「無咩特別一個色彩」，定位始終是香港的電視台，一直不變，而去年入股、有「中國梅鐸」之稱的黎瑞剛甚少來港，完全無干預無綫運作。