懿薈買家收樓

【明報專訊】發展商除了賣樓要講包裝外，現在連售後服務亦相當講究。小琴噚日收到風，話說專門發展豪宅嘅永泰地產（0369），佢哋旗下嘅九龍科發道樓盤「懿薈」呢排正進行收樓。雖然買家收樓時獲贈紀念品，並非新鮮事，但聽講懿薈今次就搞搞新意思，如果辦理收樓手續嘅係男士，發展商會派出一名美女送贈99枝玫瑰；相反，如果係由女士嚟收樓，就改由俊男送上99枝玫瑰。小琴雖然未能證實送花者是否真正俊男美女，但聽落都心癢癢，好鬼羡慕嗰班收樓人士。