陳章明曾英國拍電視 講華工賭博

【明報專訊】候任平機會主席陳章明近日言論廣為人所議論，尤其係誤用隱君子稱呼「老同」嚟形容同志，更為熱話。Emily近日碰到陳章明傾咗一陣，佢話努力睇緊歧視法例，同埋忙住搬屋，因為佢喺嶺大教書多年， 一直都係舍堂舍監，住喺大學，今次轉工亦要搬屋。Emily同佢傾開佢喺英國讀書及工作10多年經歷，佢就講起原來嗰時除咗修讀護士同社工課程，仲有半年幫當地電視台channel 4打工， 製作節目，包括其中一集叫Goodbye Chop Suey（再見雜碎），探討當年炒雜碎華工背後嘅賭博現象。


其實陳章明2008年接受嶺大刊物《嶺南薈訊》訪問，當中提到爸爸係粉嶺警署文員，屋企有8兄弟姊妹，亦講到佢中學畢業後，一度喺青山醫院接受護士訓練，以反抗爸爸反對佢接受親友資助到美國田納西州升學嘅決定。陳無耐發現唔太適合佢，於是再去英國進修護士課程，先取得精神科註冊護士資格，再喺英國讀社工，走上社工專業之路。