新聞類別
財經
詳情#
【明報專訊】便利店「七仔」賣點係梗有一間喺左近，花旗銀行今年喺零售市場玩高調，噚日宣布會拍住七仔增強網絡服務，第一階段會喺4間七仔增設花旗嘅自動櫃員機。七仔一日24小時都有職員喺度，夜晚去㩒錢安全感都高啲！
長遠目標加到250部
將部櫃員機放喺七仔，似乎係增加自動櫃員機網絡嘅捷徑之一，所以花旗香港今年都比咗個目標自己，環球個人銀行服務副總經理周永贊話，自動櫃員機喺未來2個月都增加差不多40部，令年底數目超過150部，長遠目標就係加到250部！今年花旗動作多多，唔聲唔聲已經開多咗17間新分行。小琴覺得花旗最厲害之處就係將銀行服務處處融入喺生活裏邊，好似同八達通合作搞張嘟得嘅八達通信用卡，又同潮人品牌I.T（0999）推信用卡，家連自動櫃員機都入埋便利店，真係度度都見到用到花旗產品呢！
回應 (0)
