王菲97蟹貨快甩手

【明報專訊】樓價持續上升，娛樂圈明星喺97年高價買入豪宅嘅蟹貨亦逐漸鬆綁。代理界消息噚日傳出，天后王菲或有關人士持有嘅九肚山寶松苑單號屋，剛獲買家出價至約4700萬元洽購，並已傾到最後階段，呎價約1.33萬元。不過，聽聞呢單嘢天后希望以低調形式處理，消息一旦曝光，或者未必願意將物業售出。

聽代理講，呢單嘢家由一家香港龍頭代理行處理中，由港島區嘅經紀跨區帶呢名買家同業主洽商，條款仲好似講到明，若一旦單嘢曝光，業主有權唔成交，可見天后唔止係唱歌有性格，賣樓都好有性格，因此負責呢單買賣嘅代理行極為保密同低調。

以4700萬獲洽購 仍蝕2%

資料顯示，呢間屋面積約3523方呎，天后或有關人士於97年11月以約4800萬元買入，市場消息指出，今年中呢間屋曾以約5000萬元放售。若最終呢間屋可能以4700萬元售出，帳面仍須蝕讓約100萬元，換言之，間屋帳面跌幅約2％，雖然未算返家鄉，但都可算近平手離場。

報料電郵﹕piano@mingpao.com