新聞類別
娛樂
詳情#
【蘋果日報】【爆相爆片】在無綫有很多老戲骨綠葉王，觀眾可能一時間想不起他們的名字，但一提起他們演過的電視劇就恍然大悟，像現年71歲、與郭鋒同是無綫第一期藝員訓練班畢業的的陳嘉儀，曾演出過《強人》、《家變》、《千王之王》、《京華春夢》、《十月初五的月光》及《金枝慾孽》等受歡迎劇集。但她為了照顧患病的老公，甘願放棄自己最愛的演員生涯，當真是愛夫情切。
蹺實老公手
嘉儀姐於十年前離開無綫後，一直沒有再參與演出，不過無綫去年將十年前倉底貨《蘭花劫》播映，觀眾還可以有機會再欣賞到其演出。息影後的她就專心照顧老伴，日前讀者陳先生透過《蘋果》「爆相爆片」報料，指日前上午11時許，見到嘉儀姐與老公在將軍澳PopCorn商場搭扶手電梯落地下，估計他們剛剛午膳，嘉儀姐全程小心翼翼扶住老公出入。陳先生表示：「佢全程蹺住老公隻手，兩公婆好恩愛，不過睇佢先生行動有啲緩慢，好似唔係好舒服咁。」
嫌拍劇辛苦
日前本報聯絡了嘉儀姐，問她當年為何離開無綫，她說：「以前老公冇事就話拍吓劇，但呢幾年我老公有病經常出入醫院，我要照顧佢起居飲食，陪佢睇醫生、叫佢定時食藥，佢行路我都驚佢跌，要扶實佢。老實講，我哋一把年紀，仲有幾多年喺人世箒，我有時間梗係陪我老公照顧佢啦，仲拍乜鬼劇，梗係家庭緊要啲啦！再加上拍劇咁辛苦，夏天拍冬天戲咁，唔通我揀淨係秋天冬天先至拍劇？」
家住將軍澳區的嘉儀姐指自己有兩個兒子，其中一個已經結婚，還育一個6歲大孫兒，他倆夫妻有空會去探望孫兒，閒來又會做義工照顧老人家，生活相當充實。
採訪：魯吉
蹺實老公手
嘉儀姐於十年前離開無綫後，一直沒有再參與演出，不過無綫去年將十年前倉底貨《蘭花劫》播映，觀眾還可以有機會再欣賞到其演出。息影後的她就專心照顧老伴，日前讀者陳先生透過《蘋果》「爆相爆片」報料，指日前上午11時許，見到嘉儀姐與老公在將軍澳PopCorn商場搭扶手電梯落地下，估計他們剛剛午膳，嘉儀姐全程小心翼翼扶住老公出入。陳先生表示：「佢全程蹺住老公隻手，兩公婆好恩愛，不過睇佢先生行動有啲緩慢，好似唔係好舒服咁。」
嫌拍劇辛苦
日前本報聯絡了嘉儀姐，問她當年為何離開無綫，她說：「以前老公冇事就話拍吓劇，但呢幾年我老公有病經常出入醫院，我要照顧佢起居飲食，陪佢睇醫生、叫佢定時食藥，佢行路我都驚佢跌，要扶實佢。老實講，我哋一把年紀，仲有幾多年喺人世箒，我有時間梗係陪我老公照顧佢啦，仲拍乜鬼劇，梗係家庭緊要啲啦！再加上拍劇咁辛苦，夏天拍冬天戲咁，唔通我揀淨係秋天冬天先至拍劇？」
家住將軍澳區的嘉儀姐指自己有兩個兒子，其中一個已經結婚，還育一個6歲大孫兒，他倆夫妻有空會去探望孫兒，閒來又會做義工照顧老人家，生活相當充實。
採訪：魯吉
回應 (0)
