新聞類別
副刊
港聞
詳情#
【蘋果日報】如果你聽過家興超級市場，好不幸，可能你跟記者一樣，無論是柴米油鹽，經常格價，要到家興入平貨，儲錢奢望上車。
走平價路線的家興超級市場，現時開設了八間分店，主要分佈在紅磡、長沙灣及黃大仙等舊區，連屋邨商場都進駐不了。家興曾自願加租四成也不獲續租，「我哋打電話去，一聽見我哋個名，收線都嚟唔切。」家興老闆王重家說。領展的顧忌，你我都懂的。
由「蘋果速銷」掀起超市劈價戰，到被領展趕出屋邨商場，家興困難重重，多年來，王重家與太太由拍拖到結婚，挽手打拼。責任燃起鬥志，他們決定買舖開超市，避過加租壓力，避開巨人的壓迫，維持平價路線。捱得十多年，一間舖一間舖的買，現時八間，有七間是自置物業，加上收租的十三間舖，身家已過億。
逆流大叔的考驗，是過完一關，往往再有另一關。太太兩年前血癌過身，只剩下大叔孤身執貨。
記者：邱嘉幸 攝影：林志謙
訪問那天，王重家身穿T恤牛仔褲，與一般零售職員無異。已屆花甲之年的他，凡事親力親為，巡舖之餘更落手落腳執貨，受訪期間突然衝出店外，原來是去追將購物籃拿出店外的顧客，將購物籃歸回本店。
家興門市人流如鯽，將通道擠得水洩不通，王重家形容：「當正羅湖過關咁囉。」他有時也會指揮客人有秩序並迅速排隊結賬，毫不客氣地指着客人：「阿哥阿姐！上嚟呀！」記者問他會否害怕得失顧客，「賤物鬥窮人！」他笑稱：「啲人都無所謂嘅，得啖笑囉。」
王重家對每件貨品價格瞭如指掌，連百佳惠康打甚麼價錢也一清二楚，自爆不時親身刺探敵情，拍攝並記錄貨品價格，務求令自家貨品最實惠。他直言，大超市有專員負責定價，他不忘反諷百佳惠康：「基本上佢哋有段時間一半定高啲，一半定低啲，所以我成日講香港通貨膨脹佢哋好有功勞。」跟記者傾談期間，他的電話一個接一個，公事忙個不停。「通常做完嘢都唔記得過咗午餐時間，」他淡然地道，「今時今日現代人都唔想食得咁肚滿腸肥。」他就如陀飛輪轉呀轉，沒有停擺的一日。
記者翻查資料，並綜合王重家所言，他現時持有約20個舖位，近年購下屯門兆安苑整幢停車場，並向政府承辦40萬呎貨櫃車場作租賃，身家保守估計過億元。他坦言，「香港地舖位物業升到你唔信，我喺個舖位增值已經夠，我對市場利錢嘅要求可以話唔高。」
手持不斷生金蛋的物業，生活早已後顧無憂，為何仍要辛苦自己？「唔做梗係隨時得，而係話有成班夥計，都應該做落去。」念舊情的王重家夥計大多是老員工，其中一間分店的經理已年過70歲，他明知這個老臣子已應付不了粗重活兒，仍不忍辭退他。
家興超市「平通街」，王重家坦白說：「其實啲來貨好多唔係出面想像咁貴，有啲人要求利錢由30至50%，咁梗係高啲物價，我哋利錢打少好多，靠薄利多銷。」其中一招是人棄我取。「供應商主流市場唔要，一係去填海，一係平價啲賣畀我哋，咁佢平價啲賣畀我哋，我哋平價啲賣畀街坊。」他亦採取「百無」方針。其他大型超市有禮券及積分制度，而付款可以八達通、信用卡，家興超市沒有這些在今日正常過正常的設備，原始得只可以現金消費，他解釋：「睇落好好睇，五花八門，說到底要消費者畀高啲價錢你。」
不過最重要一點，是用自己物業開店節省租金成本。家興開業數年後，他問母親借錢，買下位於紅磡明安街的第一間舖，用六、七年時間供樓。後來多番不獲領匯（即現在的「領展」）續租，令他更加確信要用自己舖。現時八間舖當中只有一間是向房協承租。他承認舖位位置都幾「騎呢」，「一係搭lift，一係上樓梯，有啲半地牢式呀咁樣。」他解釋，「買個舖頭平，成本低，你就容易做。」
大超市、供應商及領展是鐵三角般的關係，行內早已心照不宣。王重家指供應商也想跟他們有錢齊齊賺，不過同時不敢怠慢取貨量大的惠康、百佳及佳寶，「佢哋要求供應商睇吓點樣制裁我哋。」即使通過競爭法例，枱底下的潛規則依然牢固，「唔可以明出信話你要賣幾多錢，就只有暗示，暗示你都唔聽話呢，就停你啲貨。」領展是另一巨人，家興曾自願加租四成也不獲對方續租，領展不歡迎家興，無非是顧忌主流超市。「我哋打電話去，（領展）一聽見我哋個名，收線都嚟唔切，因為佢冇可能放我哋一間市場入去，影響到佢份好大嘅租約，佢（主流超市）做獨市，要做幾高都得。」
家興一直將經營焦點放於舊區屋邨，盡量避免與領展、房協及房署交手。王重家指，近月與房協在黃大仙啟德商場舖位的租約期滿被收回，有兩個分別住在黃大仙及新蒲崗的街坊向他表示，家興應在他們的地區重開舖頭，言談間更爭吵起來。王重家聽後向他們稱新蒲崗最有可能，「我話黃大仙難啲，黃大仙好多都係公屋，公屋根本上冇得搞，新蒲崗私樓多，我有權搵到地方買得到嘛。」
「今時今日我哋定嘅方針，一定要用自己舖，先至會同你做生意，唔會幫你作嫁衣裳。我哋好有信心，開咗之後係有人流，我哋唔想益所有商場，所以買物業嚟做。」如此看來，家興與「公營包租公」之間的恩怨不淺。
提到家興最困難的時期，王重家憶述1990年代末「蘋果速銷」掀起減價戰，百佳惠康大平賣應戰，他形容生意「係跳樓式跌落嚟」，「我哋個個都身受其害，因為惠康百佳價錢跌落嚟，你平佢仲平過你，你點夠佢撼呢？咁就影響我哋啲蝦毛啦。」當主流超市不再割價，家興卻依然賣平貨，最終化危為機，「後尾我哋實事求是，價錢盡量做平啲，慢慢做落有口碑，同埋我哋多數喺舊區屋邨嗰度做，積累咗一批街坊幫襯，傳開去。」
時至今日的家興似乎已大無畏。紅磡寶來街的家興，毗連一間大型惠康超市，王重家自豪地說：「我好有信心，就算一牆之隔，我都可以監生扯我啲客過嚟呢度買嘢。」他表示常有人想收購家興的經營權，但他一直不為所動，「最好買埋我，就冇咁眼冤。」王重家甚少接觸同行的龍頭大哥，阿信屋老闆林偉駿曾讚他是良心商人，他坦言兩人不算熟絡，只曾在某些公開場合碰過面，惠康百佳亦僅在租他旗下的舖頭時派出有關職員聯絡，「我哋好少應酬，最緊要面對消費者。」
王重家有四名弟妹，弟弟叫王重興，「家興」寓意與早期協助其業務的弟弟王重興拍住上。王氏家族是菲律賓華僑，做東南亞五金轉口貿易生意，王重家自稱讀書不成，十八、九歲替父親生意打工，「唔鍾意讀書，但鍾意做生意」。「十八廿二」本是揮霍青春的年華，但父親在他廿三歲那年過身後，身為長子的他即揹起一家之主的責任。他坦言當時年紀輕輕就做生意，曾刻意打扮老成，博取與生意上有往來的人信任；他笑稱現在反而想看起來年輕一點，故愛穿粉色衣服，似是彌補早逝的青春。
王重家搞停車場起家累積第一桶金，又向母親借錢，膽粗粗在荃灣及沙田租舖成立家興，大半生做超市生意，連婚姻也在此建立。
太太本是他聘請的收銀員（圖），由於表現出色獲升為「大家姐」，他大讚妻子「好捱得」：「做嘢好得，先至慢慢一齊。」二人「拍拖」也是在超市工作，更不時工作至晚上11點打烊，浪漫極有限？王重家不以為然道：「工作都習慣咗，即係平時生活咁樣。」
婚後與妻子育有兩女，長女現於銀行工作，二女則在多倫多的大學讀書。公司業務上了軌道，女兒也長大成人了，正當他們準備安享晚年之際，妻子兩年前卻突然因血癌離世。王重家提起此事時表現平靜，但言語間流露遺憾，又怪責自己大意，沒及早察覺問題。
他應記者要求展示妻子舊照，說到太太進行化療期間與他的合照時，沉思片刻後道：「瘦係兩個人都會瘦，因為大家都好擔心」。他又透露不時會到墳場探望亡妻。遲遲不換新款收銀機，或多或少是為了睹物思人？
說到女兒，王重家總是帶着笑意，「佢哋直頭話唔會畀人知道佢老竇做乜嘢。」他說兩個女兒都不曾在門市幫手，只得大女兒曾在家興寫字樓做過暑期工，「唔想佢暑假周圍去玩，叫佢嚟返短時間工」。王重家沒期望女兒接手超市，也相信她們無意接手，「因為我個大女依家喺銀行做，後生細女個個都鍾意佗佗佻佻、舒舒服服嘅工。」他說時沒有半點可惜，「呢啲生意嚴格嚟講唔係人做㗎！」
走平價路線的家興超級市場，現時開設了八間分店，主要分佈在紅磡、長沙灣及黃大仙等舊區，連屋邨商場都進駐不了。家興曾自願加租四成也不獲續租，「我哋打電話去，一聽見我哋個名，收線都嚟唔切。」家興老闆王重家說。領展的顧忌，你我都懂的。
由「蘋果速銷」掀起超市劈價戰，到被領展趕出屋邨商場，家興困難重重，多年來，王重家與太太由拍拖到結婚，挽手打拼。責任燃起鬥志，他們決定買舖開超市，避過加租壓力，避開巨人的壓迫，維持平價路線。捱得十多年，一間舖一間舖的買，現時八間，有七間是自置物業，加上收租的十三間舖，身家已過億。
逆流大叔的考驗，是過完一關，往往再有另一關。太太兩年前血癌過身，只剩下大叔孤身執貨。
記者：邱嘉幸 攝影：林志謙
訪問那天，王重家身穿T恤牛仔褲，與一般零售職員無異。已屆花甲之年的他，凡事親力親為，巡舖之餘更落手落腳執貨，受訪期間突然衝出店外，原來是去追將購物籃拿出店外的顧客，將購物籃歸回本店。
家興門市人流如鯽，將通道擠得水洩不通，王重家形容：「當正羅湖過關咁囉。」他有時也會指揮客人有秩序並迅速排隊結賬，毫不客氣地指着客人：「阿哥阿姐！上嚟呀！」記者問他會否害怕得失顧客，「賤物鬥窮人！」他笑稱：「啲人都無所謂嘅，得啖笑囉。」
王重家對每件貨品價格瞭如指掌，連百佳惠康打甚麼價錢也一清二楚，自爆不時親身刺探敵情，拍攝並記錄貨品價格，務求令自家貨品最實惠。他直言，大超市有專員負責定價，他不忘反諷百佳惠康：「基本上佢哋有段時間一半定高啲，一半定低啲，所以我成日講香港通貨膨脹佢哋好有功勞。」跟記者傾談期間，他的電話一個接一個，公事忙個不停。「通常做完嘢都唔記得過咗午餐時間，」他淡然地道，「今時今日現代人都唔想食得咁肚滿腸肥。」他就如陀飛輪轉呀轉，沒有停擺的一日。
記者翻查資料，並綜合王重家所言，他現時持有約20個舖位，近年購下屯門兆安苑整幢停車場，並向政府承辦40萬呎貨櫃車場作租賃，身家保守估計過億元。他坦言，「香港地舖位物業升到你唔信，我喺個舖位增值已經夠，我對市場利錢嘅要求可以話唔高。」
手持不斷生金蛋的物業，生活早已後顧無憂，為何仍要辛苦自己？「唔做梗係隨時得，而係話有成班夥計，都應該做落去。」念舊情的王重家夥計大多是老員工，其中一間分店的經理已年過70歲，他明知這個老臣子已應付不了粗重活兒，仍不忍辭退他。
家興超市「平通街」，王重家坦白說：「其實啲來貨好多唔係出面想像咁貴，有啲人要求利錢由30至50%，咁梗係高啲物價，我哋利錢打少好多，靠薄利多銷。」其中一招是人棄我取。「供應商主流市場唔要，一係去填海，一係平價啲賣畀我哋，咁佢平價啲賣畀我哋，我哋平價啲賣畀街坊。」他亦採取「百無」方針。其他大型超市有禮券及積分制度，而付款可以八達通、信用卡，家興超市沒有這些在今日正常過正常的設備，原始得只可以現金消費，他解釋：「睇落好好睇，五花八門，說到底要消費者畀高啲價錢你。」
不過最重要一點，是用自己物業開店節省租金成本。家興開業數年後，他問母親借錢，買下位於紅磡明安街的第一間舖，用六、七年時間供樓。後來多番不獲領匯（即現在的「領展」）續租，令他更加確信要用自己舖。現時八間舖當中只有一間是向房協承租。他承認舖位位置都幾「騎呢」，「一係搭lift，一係上樓梯，有啲半地牢式呀咁樣。」他解釋，「買個舖頭平，成本低，你就容易做。」
大超市、供應商及領展是鐵三角般的關係，行內早已心照不宣。王重家指供應商也想跟他們有錢齊齊賺，不過同時不敢怠慢取貨量大的惠康、百佳及佳寶，「佢哋要求供應商睇吓點樣制裁我哋。」即使通過競爭法例，枱底下的潛規則依然牢固，「唔可以明出信話你要賣幾多錢，就只有暗示，暗示你都唔聽話呢，就停你啲貨。」領展是另一巨人，家興曾自願加租四成也不獲對方續租，領展不歡迎家興，無非是顧忌主流超市。「我哋打電話去，（領展）一聽見我哋個名，收線都嚟唔切，因為佢冇可能放我哋一間市場入去，影響到佢份好大嘅租約，佢（主流超市）做獨市，要做幾高都得。」
家興一直將經營焦點放於舊區屋邨，盡量避免與領展、房協及房署交手。王重家指，近月與房協在黃大仙啟德商場舖位的租約期滿被收回，有兩個分別住在黃大仙及新蒲崗的街坊向他表示，家興應在他們的地區重開舖頭，言談間更爭吵起來。王重家聽後向他們稱新蒲崗最有可能，「我話黃大仙難啲，黃大仙好多都係公屋，公屋根本上冇得搞，新蒲崗私樓多，我有權搵到地方買得到嘛。」
「今時今日我哋定嘅方針，一定要用自己舖，先至會同你做生意，唔會幫你作嫁衣裳。我哋好有信心，開咗之後係有人流，我哋唔想益所有商場，所以買物業嚟做。」如此看來，家興與「公營包租公」之間的恩怨不淺。
提到家興最困難的時期，王重家憶述1990年代末「蘋果速銷」掀起減價戰，百佳惠康大平賣應戰，他形容生意「係跳樓式跌落嚟」，「我哋個個都身受其害，因為惠康百佳價錢跌落嚟，你平佢仲平過你，你點夠佢撼呢？咁就影響我哋啲蝦毛啦。」當主流超市不再割價，家興卻依然賣平貨，最終化危為機，「後尾我哋實事求是，價錢盡量做平啲，慢慢做落有口碑，同埋我哋多數喺舊區屋邨嗰度做，積累咗一批街坊幫襯，傳開去。」
時至今日的家興似乎已大無畏。紅磡寶來街的家興，毗連一間大型惠康超市，王重家自豪地說：「我好有信心，就算一牆之隔，我都可以監生扯我啲客過嚟呢度買嘢。」他表示常有人想收購家興的經營權，但他一直不為所動，「最好買埋我，就冇咁眼冤。」王重家甚少接觸同行的龍頭大哥，阿信屋老闆林偉駿曾讚他是良心商人，他坦言兩人不算熟絡，只曾在某些公開場合碰過面，惠康百佳亦僅在租他旗下的舖頭時派出有關職員聯絡，「我哋好少應酬，最緊要面對消費者。」
王重家有四名弟妹，弟弟叫王重興，「家興」寓意與早期協助其業務的弟弟王重興拍住上。王氏家族是菲律賓華僑，做東南亞五金轉口貿易生意，王重家自稱讀書不成，十八、九歲替父親生意打工，「唔鍾意讀書，但鍾意做生意」。「十八廿二」本是揮霍青春的年華，但父親在他廿三歲那年過身後，身為長子的他即揹起一家之主的責任。他坦言當時年紀輕輕就做生意，曾刻意打扮老成，博取與生意上有往來的人信任；他笑稱現在反而想看起來年輕一點，故愛穿粉色衣服，似是彌補早逝的青春。
王重家搞停車場起家累積第一桶金，又向母親借錢，膽粗粗在荃灣及沙田租舖成立家興，大半生做超市生意，連婚姻也在此建立。
太太本是他聘請的收銀員（圖），由於表現出色獲升為「大家姐」，他大讚妻子「好捱得」：「做嘢好得，先至慢慢一齊。」二人「拍拖」也是在超市工作，更不時工作至晚上11點打烊，浪漫極有限？王重家不以為然道：「工作都習慣咗，即係平時生活咁樣。」
婚後與妻子育有兩女，長女現於銀行工作，二女則在多倫多的大學讀書。公司業務上了軌道，女兒也長大成人了，正當他們準備安享晚年之際，妻子兩年前卻突然因血癌離世。王重家提起此事時表現平靜，但言語間流露遺憾，又怪責自己大意，沒及早察覺問題。
他應記者要求展示妻子舊照，說到太太進行化療期間與他的合照時，沉思片刻後道：「瘦係兩個人都會瘦，因為大家都好擔心」。他又透露不時會到墳場探望亡妻。遲遲不換新款收銀機，或多或少是為了睹物思人？
說到女兒，王重家總是帶着笑意，「佢哋直頭話唔會畀人知道佢老竇做乜嘢。」他說兩個女兒都不曾在門市幫手，只得大女兒曾在家興寫字樓做過暑期工，「唔想佢暑假周圍去玩，叫佢嚟返短時間工」。王重家沒期望女兒接手超市，也相信她們無意接手，「因為我個大女依家喺銀行做，後生細女個個都鍾意佗佗佻佻、舒舒服服嘅工。」他說時沒有半點可惜，「呢啲生意嚴格嚟講唔係人做㗎！」
回應 (0)
