新聞類別
娛樂
詳情#
【蘋果日報】黃宗澤（Bosco）在13年底曾在九龍城開蠔吧，不過今年初他將餐廳秘密頂手，事後否認蝕讓，表示希望物色較大的舖位。昨日Bosco在尖沙嘴投資七位數的餐廳開幕，黃翠如、岑麗香、苗僑偉（三哥）及張繼聰等出席外，舊愛胡杏兒和老公聯名送「開張大吉」花籃致賀。
老闆娘要享福
對於舊愛送花籃祝賀，Bosco坦言：「杏兒好有心，有send message恭喜我，佢今日唔得閒嚟，始終要湊仔行唔開。」其實不單止舊愛捧場，緋聞女友陳嘉桓亦表示會訂枱，Bosco說：「係呀，佢之前有搵我訂枱，呢啲咪好朋友囉，呢啲咪畀錢嘅好朋友囉。」問到打算幾時找老闆娘助陣？Bosco笑說：「要搵老闆娘就要佢享福，唔好同我一齊捱啦，不過未有耐住，工作為先。」
與Bosco老友鬼鬼的翠如，昨日單拖現身，翠如抵死地說：「本來蕭正楠都嚟，不過佢依家畀女圍，今日有船P活動，等佢開心吓，佢返嚟就冇命。」翠如表示之前經常到舊舖開餐，更自爆：「一次都冇畀過錢，乜要畀錢咩？」Bosco聞言笑說難聽過粗口：「呢啲叫做我請客，唔係唔使畀錢，我間嘢要收錢嘅，真係難聽過粗口，佢呢啲咪就係又食又拎囉，噚晚仲send訊息畀我，話今日會低胸露背嚟，最後又同我講話唔記得借衫，所以冇。早知叫佢嚟我屋企，我搵都搵條裙畀佢着。」
冇膽進軍內地
早前有傳計劃與三哥及曾志偉合資開火鍋店，Bosco說：「三哥咁忙，呢頭講完就唔記得，都係講吓啫，唔係進軍全國連鎖12間以上都唔好搞佢，一間半間佢睇唔上眼。」他還稱自己的投資是小本經營：「我唔夠膽，就算夾錢夾細份我都唔夠膽，其實話就話係餐廳老闆，我只係大打雜，間餐廳有總經理有總廚，我負責裝修搞清潔，洗吓蠔殼。」
採訪：曹家誠
攝影：陳俊強
老闆娘要享福
對於舊愛送花籃祝賀，Bosco坦言：「杏兒好有心，有send message恭喜我，佢今日唔得閒嚟，始終要湊仔行唔開。」其實不單止舊愛捧場，緋聞女友陳嘉桓亦表示會訂枱，Bosco說：「係呀，佢之前有搵我訂枱，呢啲咪好朋友囉，呢啲咪畀錢嘅好朋友囉。」問到打算幾時找老闆娘助陣？Bosco笑說：「要搵老闆娘就要佢享福，唔好同我一齊捱啦，不過未有耐住，工作為先。」
與Bosco老友鬼鬼的翠如，昨日單拖現身，翠如抵死地說：「本來蕭正楠都嚟，不過佢依家畀女圍，今日有船P活動，等佢開心吓，佢返嚟就冇命。」翠如表示之前經常到舊舖開餐，更自爆：「一次都冇畀過錢，乜要畀錢咩？」Bosco聞言笑說難聽過粗口：「呢啲叫做我請客，唔係唔使畀錢，我間嘢要收錢嘅，真係難聽過粗口，佢呢啲咪就係又食又拎囉，噚晚仲send訊息畀我，話今日會低胸露背嚟，最後又同我講話唔記得借衫，所以冇。早知叫佢嚟我屋企，我搵都搵條裙畀佢着。」
冇膽進軍內地
早前有傳計劃與三哥及曾志偉合資開火鍋店，Bosco說：「三哥咁忙，呢頭講完就唔記得，都係講吓啫，唔係進軍全國連鎖12間以上都唔好搞佢，一間半間佢睇唔上眼。」他還稱自己的投資是小本經營：「我唔夠膽，就算夾錢夾細份我都唔夠膽，其實話就話係餐廳老闆，我只係大打雜，間餐廳有總經理有總廚，我負責裝修搞清潔，洗吓蠔殼。」
採訪：曹家誠
攝影：陳俊強
回應 (0)
