新聞類別
娛樂
詳情#
【蘋果日報】李靖筠及談善言在《告別之前》中分別飾演社工及癌症病人，面對死亡問題，二人有不同看法。假如只剩半年命，李靖筠說：「會瘋狂開工，爬上人生高峯離開，大家都會記得你，幾美好。」而談善言則怕母親受刺激：「最尾先同媽咪講，會寫封信畀佢。」
李靖筠最接近死亡的一刻，是兩年前與好友爬山時發生意外，這時她才醒覺，原來死亡可以隨時降臨：「朋友突然失去知覺，跌落地穿頭流血，嗰一刻我完全handle唔到，自己都black out咗睇唔到嘢，原來死亡係咁近。」
張國榮留美好
假如生命在半年倒數，李靖筠會選擇繼續開工：「我好鍾意開工，咁難先做到自己想做嘅嘢，會更加搏命瘋狂開工。細個有一個想法，張國榮非常幸福，佢當時唔開心，經歷好多痛苦嘅嘢，但佢可以喺人生高峯離開，未嘗唔係一件『爽快』嘅事。爬上人生高峯離開，大家都會記得你，幾美好。我會選擇收埋死，唔想畀人見到我好痛苦，記住我美好最靚一面。」
談善言則指以前很幼稚，以為死亡離自己很遠：「當身邊嘅長輩年紀越嚟越大，我就意識到死亡唔係離我咁遠，佢唔係電影、唔係漫畫情節，佢係我身邊嘅嘢，我哋由出生就開始走緊去嘅終點。」她說假如只剩半年命，一定不會告訴母親，怕她受刺激：「屋企係好傳統中國家庭，幾內斂。我會先同家姐講，佢同我最親，之後細佬，至於老竇比較豁達。唔會同媽咪講或者最尾先同媽咪講，會寫封信畀佢。」臨終前她想再到冰島，因上次看不到極光感到遺憾，更想離世前可以拍一套有關生死的電影，她說：「因為今次係切身感受到死亡，對生死應該有唔同睇法。」
硬朗女有市場
訪問當日，李靖筠和談善言在《蘋果日報》客串做苦力，學人搬報紙。想不到兩位文青女，抬起一堆堆厚重報紙，依然應付自如。李靖筠認為獨立的女孩子都有市場：「我係比較爽朗，個性亦較為性急，怕麻煩。我都好欣賞啲爽朗同硬淨嘅女仔，要睇吓個男仔夠唔夠叻，個男仔夠叻就OK，每個人鍾意嘅嘢都有唔同。」至於自己，雖然性子急兼有少少強迫症，幸好沒有公主病。
而一身工人服打扮的談善言，亦認為現今的男仔未必喜歡小鳥依人，更認為男仔鍾意獨立女仔，因社會上大家壓力好大，太過依賴的女仔會令另一半有壓力。
李靖筠做勻三台
李靖筠今年25歲，香港中文大學酒店及旅遊管理系畢業，她曾在院校歌唱奪獎。14年兼職做模特兒時，與許志安拍《流淚行勝利道》MV，16年演ViuTV處境劇《三一如三》，翌年在奇妙電視劇集《熱戀100天》擔任女主角，同年過檔無綫，但只客串過一集處境劇《愛．回家之開心速遞》，18年約滿後離開。
而28歲的談善言，演出香港電台劇集《DIY2K》嶄露頭角，過去六年間共拍了八套劇，包括《總有出頭天II》及ViuTV劇集《VR驅魔人》等。16年開始拍電影如《點五步》、《江湖悲劇》等，更憑《點五步》榮獲提名第36屆香港電影金像獎最佳新演員。
透過癌症探討死亡
【故事簡介】《告別之前》是一部探討死亡的電影，故事講述性格開朗的新入行社工昕翹（李靖筠飾），專責癌症治療小組個案跟進。她獲分發三宗個案，分別是小康之家患上血癌的小女孩欣欣和她的父母（張繼聰、衛詩雅飾）；新婚在即卻發現長了腦瘤的嘉純（談善言飾）；還有只剩不足一年壽命的獨居老人蘭姨（羅蘭飾）。
撰文：李森
攝影：林德雄
李靖筠最接近死亡的一刻，是兩年前與好友爬山時發生意外，這時她才醒覺，原來死亡可以隨時降臨：「朋友突然失去知覺，跌落地穿頭流血，嗰一刻我完全handle唔到，自己都black out咗睇唔到嘢，原來死亡係咁近。」
張國榮留美好
假如生命在半年倒數，李靖筠會選擇繼續開工：「我好鍾意開工，咁難先做到自己想做嘅嘢，會更加搏命瘋狂開工。細個有一個想法，張國榮非常幸福，佢當時唔開心，經歷好多痛苦嘅嘢，但佢可以喺人生高峯離開，未嘗唔係一件『爽快』嘅事。爬上人生高峯離開，大家都會記得你，幾美好。我會選擇收埋死，唔想畀人見到我好痛苦，記住我美好最靚一面。」
談善言則指以前很幼稚，以為死亡離自己很遠：「當身邊嘅長輩年紀越嚟越大，我就意識到死亡唔係離我咁遠，佢唔係電影、唔係漫畫情節，佢係我身邊嘅嘢，我哋由出生就開始走緊去嘅終點。」她說假如只剩半年命，一定不會告訴母親，怕她受刺激：「屋企係好傳統中國家庭，幾內斂。我會先同家姐講，佢同我最親，之後細佬，至於老竇比較豁達。唔會同媽咪講或者最尾先同媽咪講，會寫封信畀佢。」臨終前她想再到冰島，因上次看不到極光感到遺憾，更想離世前可以拍一套有關生死的電影，她說：「因為今次係切身感受到死亡，對生死應該有唔同睇法。」
硬朗女有市場
訪問當日，李靖筠和談善言在《蘋果日報》客串做苦力，學人搬報紙。想不到兩位文青女，抬起一堆堆厚重報紙，依然應付自如。李靖筠認為獨立的女孩子都有市場：「我係比較爽朗，個性亦較為性急，怕麻煩。我都好欣賞啲爽朗同硬淨嘅女仔，要睇吓個男仔夠唔夠叻，個男仔夠叻就OK，每個人鍾意嘅嘢都有唔同。」至於自己，雖然性子急兼有少少強迫症，幸好沒有公主病。
而一身工人服打扮的談善言，亦認為現今的男仔未必喜歡小鳥依人，更認為男仔鍾意獨立女仔，因社會上大家壓力好大，太過依賴的女仔會令另一半有壓力。
李靖筠做勻三台
李靖筠今年25歲，香港中文大學酒店及旅遊管理系畢業，她曾在院校歌唱奪獎。14年兼職做模特兒時，與許志安拍《流淚行勝利道》MV，16年演ViuTV處境劇《三一如三》，翌年在奇妙電視劇集《熱戀100天》擔任女主角，同年過檔無綫，但只客串過一集處境劇《愛．回家之開心速遞》，18年約滿後離開。
而28歲的談善言，演出香港電台劇集《DIY2K》嶄露頭角，過去六年間共拍了八套劇，包括《總有出頭天II》及ViuTV劇集《VR驅魔人》等。16年開始拍電影如《點五步》、《江湖悲劇》等，更憑《點五步》榮獲提名第36屆香港電影金像獎最佳新演員。
透過癌症探討死亡
【故事簡介】《告別之前》是一部探討死亡的電影，故事講述性格開朗的新入行社工昕翹（李靖筠飾），專責癌症治療小組個案跟進。她獲分發三宗個案，分別是小康之家患上血癌的小女孩欣欣和她的父母（張繼聰、衛詩雅飾）；新婚在即卻發現長了腦瘤的嘉純（談善言飾）；還有只剩不足一年壽命的獨居老人蘭姨（羅蘭飾）。
撰文：李森
攝影：林德雄
回應 (0)
