翟秋平哭訴被退選

【蘋果日報】亞姐香港賽區的十位候選佳麗昨日首次會見傳媒，不過有一位報名者翟秋平，上完兩星期特訓後「被退出」，她前晚在網上留言：「我參加我付出我尊重，亦應該換來被尊重，而不是『被退出』……只是看清了這家機構、這個『競選』的面目和『潛規則』。」
翟秋平昨日回覆《蘋果》說：「前一日收到保母通知，同我哋講有評核要見高層，點知嗰一晚，保母打畀我話收到公司通知，要退出比賽。」她哽咽續說：「我問保母乜原因，話我唔靚，身材唔好，都同我講吖，但佢話冇，係高層決定。」她還說：「其實當日我全日都喺公司特訓，咁多位高層，搵一個同我傾5分鐘都得啩，點解連基本尊重都唔畀參賽者，真係令我好失望同唔開心！」
採訪：嵐山