Ana R.指B仔大食似香腸

【蘋果日報】名模Ana R.、明星御用髮型師Kim Robinson和「慈善女王」趙曾學韞昨日在港安醫院出席慈善活動記者會，誕下兒子不久的Ana R.指兒子兩個月大，健壯有力，目前已有16磅，她說：「佢好大隻，而且好大力，好多人見到佢都估有4個月大，身形大到似香腸。」她更指兒子胃口大，每3小時吃一次人奶，好彩自己有足夠奶水提供。
暫時未收身的Ana，因剖腹產子，需要隔多一陣子才可以做運動：「老公打拳，到時會做埋我嘅私人教練，會設計一啲動作適合全家人一齊運動。」Ana R.笑言自己家中有很多靚衫等着穿，所以希望在半年內收身成功，減20多磅回復做模特兒時的好身材。
採訪、攝影：王連連