新聞類別
娛樂
詳情#
【蘋果日報】劉嘉玲、邱淑貞（豆斗）、曾志偉、容祖兒及陳展鵬等昨晚在灣仔出席活動，豆斗被問到會否出山拍戲？她笑言：「都冇人搵我啦！我都一把年紀。不過我好忙湊細路，好難有時間，冇特別去諗呢樣。」豆斗更謂暫時亦不會考慮做真人騷節目。豆斗的三個女兒都生得很標致，問到女兒有否獲邀入行工作？她坦言：「有，大女有人搵過，我唔想佢哋做呢行。」
有Group定期聚會
嘉玲透露經常和豆斗見面：「我哋有個217聚會group，當年志偉60大壽，請咗大班人去島玩，費事阻住人休息，就用咗一間房，間房就係217，想玩嘅人就去呢間房。當時好多人，有B哥鍾鎮濤、偉仔、學友，梁家輝、上山同葉童夫婦等，佢哋有定期聚會。」問到該間房是否最多酒精？嘉玲說：「唔係，我哋好成熟，大家好錫身，好斯文，坐低傾吓偈。」
對於有指她老公梁朝偉想退休，嘉玲代澄清：「佢係藝術家，情緒病箒！佢依家喺樽頸位，好多鍾意佢嘅fans都想繼續睇到佢拍戲。佢成日唔想做，我幫佢物色緊同佢夾得嚟了解佢嘅經理人，我唔想長做，唔想有拗撬，佢要氹，軟硬兼施，我好明佢嘅脾性，等佢玩完一輪，遇到啱嘅導演同適合嘅戲會拍，呢輪幫佢推戲，佢唔想自己推，由我嚟諗藉口推，佢好幸福，應該珍惜。」
展鵬Ig狂刪朋友
陳展鵬日前和女友單文柔到倫敦旅行，他說：「依家唔錯，呢幾年出現問題，佢都喺我身邊，希望先苦後甜。」對於胡定欣在Ig取消關注展鵬，他說：「其實係半年前嘅事，因為好多傳媒對我都好敏感，而透過我嘅Ig，會搵到好多我朋友嘅相，唔想佢哋被cap圖，所以大部份嘅女藝人同朋友我都刪除咗。」
此外，梁烈唯前日在微博發聲明跟一位製作人劃清界線，他說：「上次幫呢個人做嘢收唔到錢，最近佢想搵我做嘢，我話舊數未清唔得。我刪除晒佢嘅聯絡。」志偉被問到是否接受何麗全邀請擔任亞視司儀？他笑說：「冇，成數同我高度一樣唔高。」
採訪：張俊銘
攝影：陳慧安
有Group定期聚會
嘉玲透露經常和豆斗見面：「我哋有個217聚會group，當年志偉60大壽，請咗大班人去島玩，費事阻住人休息，就用咗一間房，間房就係217，想玩嘅人就去呢間房。當時好多人，有B哥鍾鎮濤、偉仔、學友，梁家輝、上山同葉童夫婦等，佢哋有定期聚會。」問到該間房是否最多酒精？嘉玲說：「唔係，我哋好成熟，大家好錫身，好斯文，坐低傾吓偈。」
對於有指她老公梁朝偉想退休，嘉玲代澄清：「佢係藝術家，情緒病箒！佢依家喺樽頸位，好多鍾意佢嘅fans都想繼續睇到佢拍戲。佢成日唔想做，我幫佢物色緊同佢夾得嚟了解佢嘅經理人，我唔想長做，唔想有拗撬，佢要氹，軟硬兼施，我好明佢嘅脾性，等佢玩完一輪，遇到啱嘅導演同適合嘅戲會拍，呢輪幫佢推戲，佢唔想自己推，由我嚟諗藉口推，佢好幸福，應該珍惜。」
展鵬Ig狂刪朋友
陳展鵬日前和女友單文柔到倫敦旅行，他說：「依家唔錯，呢幾年出現問題，佢都喺我身邊，希望先苦後甜。」對於胡定欣在Ig取消關注展鵬，他說：「其實係半年前嘅事，因為好多傳媒對我都好敏感，而透過我嘅Ig，會搵到好多我朋友嘅相，唔想佢哋被cap圖，所以大部份嘅女藝人同朋友我都刪除咗。」
此外，梁烈唯前日在微博發聲明跟一位製作人劃清界線，他說：「上次幫呢個人做嘢收唔到錢，最近佢想搵我做嘢，我話舊數未清唔得。我刪除晒佢嘅聯絡。」志偉被問到是否接受何麗全邀請擔任亞視司儀？他笑說：「冇，成數同我高度一樣唔高。」
採訪：張俊銘
攝影：陳慧安
回應 (0)
