新聞類別
娛樂
詳情#
【蘋果日報】
英國萬人迷碧咸（David Beckham）從北京抵港，噚日現身中環出席友邦保險記者會，一到埗佢就喺Ig報告行蹤。早前有傳碧咸面臨脫髮危機，但眼前所見佢一頭金髮已變回濃密。為配合活動「健康、長久、好生活」主題，碧咸自言都有壓力嘅時候，但慶幸可以過住自己想過嘅生活，碧咸又話能夠以代言人身份參與推廣感到自豪，仲喺台上簽訂對健康人生承諾，佢即場寫上：「每天微笑和與家人晚飯時要關掉手機。」碧咸提起四個仔女，話細路都有留意佢一舉一動，七歲寶貝女哈七（Harper Seven）練習體操時曾留意佢玩手機，繼而會問點解只顧玩手機，碧咸立即解釋當時同緊太太Victoria facetime視像通話。
食仔女口水尾
碧咸係記者會上對談約25分鐘，被問到父母係咪要管制子女玩社交平台時，碧咸話好明白家長會擔心仔女亂上網交友，原來佢除咗對19歲大仔Brooklyn比較自由外，都有監控其餘兩名囝囝點樣利用社交網絡，但大仔有時都會問佢意見先上載內容。另外，碧咸又話帶仔女返學係挑戰，有時為佢哋準備好早餐後，只會食佢哋食剩嘅口水尾，又或者食隻蕉就算。
撰文：馮仁昭
英國萬人迷碧咸（David Beckham）從北京抵港，噚日現身中環出席友邦保險記者會，一到埗佢就喺Ig報告行蹤。早前有傳碧咸面臨脫髮危機，但眼前所見佢一頭金髮已變回濃密。為配合活動「健康、長久、好生活」主題，碧咸自言都有壓力嘅時候，但慶幸可以過住自己想過嘅生活，碧咸又話能夠以代言人身份參與推廣感到自豪，仲喺台上簽訂對健康人生承諾，佢即場寫上：「每天微笑和與家人晚飯時要關掉手機。」碧咸提起四個仔女，話細路都有留意佢一舉一動，七歲寶貝女哈七（Harper Seven）練習體操時曾留意佢玩手機，繼而會問點解只顧玩手機，碧咸立即解釋當時同緊太太Victoria facetime視像通話。
食仔女口水尾
碧咸係記者會上對談約25分鐘，被問到父母係咪要管制子女玩社交平台時，碧咸話好明白家長會擔心仔女亂上網交友，原來佢除咗對19歲大仔Brooklyn比較自由外，都有監控其餘兩名囝囝點樣利用社交網絡，但大仔有時都會問佢意見先上載內容。另外，碧咸又話帶仔女返學係挑戰，有時為佢哋準備好早餐後，只會食佢哋食剩嘅口水尾，又或者食隻蕉就算。
撰文：馮仁昭
回應 (0)
