JW自揭有皇族血統

【蘋果日報】王灝兒（JW）昨日到九龍灣為11月的MOOV LIVE舉行記招，大會為她安排四款造型供樂迷投票。其中「貴氣宮廷」造型最得JW歡心，她透露因為最近狂煲《延禧攻略》，令她更想試古裝造型：「我最鍾意明玉，佢真係好好㗎。我仲發現咗我哋個家族應該係有呢個皇族血統，因為屋企有張太太太太太公嗰啲官服相，我哋拜祖先嗰時都會拎番出嚟，睇番個族譜，應該係愛新覺羅正白旗，即係我可能係格格嚟㗎。」
JW笑謂如果生在皇宮，必定不夠其他妃子鬥：「不過佢哋都圓潤啲，咁都可以玩吓，如果佢哋好瘦，我都係走先。」談到工作方面，JW謂除了籌備是次音樂會，亦積極籌備新歌中，更是首度與舒文合作。
採訪、攝影：盧妹