欣宜難忘片場齊捱飯盒

【蘋果日報】吳君麗遺作是08年參演無綫處境劇《畢打自己人》，當時與鄭欣宜和黎耀祥有不少對手戲，欣宜昨日受訪時表示入行第一份工作就是與對方合作，聽到消息覺得很震驚，又謂半年前見過吳君麗：「佢當時仲好精神，佢係一位好sweet嘅老人家，完全冇架子，唔使埋位，成日同我哋一班小朋友坐低食飯盒。」祥仔前晚獲悉吳君麗死訊，他也在電話中說：「好突然，好可惜！佢係一位好nice嘅前輩，當年合作，佢好親切、好有禮貌，好謙虛同有修養，經常話自己第一次演電視劇，乜都唔識，叫我哋多提點佢，冇恃老賣老。」
謝雪心、羅蘭和Joe Junior等昨日在柴灣出席港台活動，謝雪心說：「知道李奇峰曾經入病房探望麗姐，事情好突發。」心姐續言：「對上一次合作係保良局活動，好耐之前，我哋合演《鳳閣恩仇未了情》。」羅蘭則於兩個月前的宴會碰過吳君麗，Joe Junior今年也見過吳君麗兩次：「佢好開心冇嘢，上年生日會佢都有嚟。」
採訪、攝影：曹家誠、魯吉、卓寶花