新聞類別
娛樂
詳情#
【蘋果日報】
第55屆金馬獎下個月17日喺台灣舉行，噚日大會公佈入圍名單（詳見附表），今年共有667部影片報名角逐，比上年多出91部。張藝謀執導嘅《影》獲12項提名，成為最多提名影片，當中包括最佳劇情片、最佳導演等大獎，鄧超同老婆孫儷共同憑呢部戲入圍男、女主角，孫儷要同《你好，之華》嘅周迅爭獎。
上年憑《血觀音》奪得影后嘅惠英紅，今年就憑《翠絲》提名最佳女配角，同《幸福城市》嘅丁寧爭獎。噚日剛剛返港嘅紅姐聽到入圍女配角喜訊，開心回覆：「好愕然，剛降落香港機場，打開電話知道入到圍，好開心。戲中黑仔（姜皓文）演翠絲，我扮佢老婆。我哋第一次合作，好有火花。」
陳果撐《三夫》女主角
而袁富華同樣憑《翠絲》入圍爭最佳男配角，挑戰《後來的我們》嘅田壯壯等。而《捉妖記2》同《狄仁傑之四大天王》就入圍最佳視覺效果，《捉妖記2》又同《葉問外傳：張天志》入圍最佳動作設計。
劉若英憑自編自導嘅《後來的我們》同《暴雪將至》董越、《誰先愛上他的》徐譽庭同許智彥、《我不是藥神》嘅文牧野，仲有《大象席地而坐》嘅胡波爭最佳新導演。
由澤東出品、王家衛監製嘅《撞死了一隻羊》，導演萬瑪才旦獲提名最佳導演，都算為港沾光。內地演員曾美慧孜憑《三夫》入圍最佳女主角，呢套片嘅導演陳果噚日話：「佢都入唔到就唔使拍港片，《三夫》係《妓女三部曲》最後一部，內地片越嚟越犀利，香港剩係商業片冇得鬥。」
撰文：馮仁昭
第55屆金馬獎下個月17日喺台灣舉行，噚日大會公佈入圍名單（詳見附表），今年共有667部影片報名角逐，比上年多出91部。張藝謀執導嘅《影》獲12項提名，成為最多提名影片，當中包括最佳劇情片、最佳導演等大獎，鄧超同老婆孫儷共同憑呢部戲入圍男、女主角，孫儷要同《你好，之華》嘅周迅爭獎。
上年憑《血觀音》奪得影后嘅惠英紅，今年就憑《翠絲》提名最佳女配角，同《幸福城市》嘅丁寧爭獎。噚日剛剛返港嘅紅姐聽到入圍女配角喜訊，開心回覆：「好愕然，剛降落香港機場，打開電話知道入到圍，好開心。戲中黑仔（姜皓文）演翠絲，我扮佢老婆。我哋第一次合作，好有火花。」
陳果撐《三夫》女主角
而袁富華同樣憑《翠絲》入圍爭最佳男配角，挑戰《後來的我們》嘅田壯壯等。而《捉妖記2》同《狄仁傑之四大天王》就入圍最佳視覺效果，《捉妖記2》又同《葉問外傳：張天志》入圍最佳動作設計。
劉若英憑自編自導嘅《後來的我們》同《暴雪將至》董越、《誰先愛上他的》徐譽庭同許智彥、《我不是藥神》嘅文牧野，仲有《大象席地而坐》嘅胡波爭最佳新導演。
由澤東出品、王家衛監製嘅《撞死了一隻羊》，導演萬瑪才旦獲提名最佳導演，都算為港沾光。內地演員曾美慧孜憑《三夫》入圍最佳女主角，呢套片嘅導演陳果噚日話：「佢都入唔到就唔使拍港片，《三夫》係《妓女三部曲》最後一部，內地片越嚟越犀利，香港剩係商業片冇得鬥。」
撰文：馮仁昭
回應 (0)
