穿越韓國古時　黎明執藥

【蘋果日報】現年51歲的黎明（Leon）近年越來越玩得，除了不時化身成明福俠，在網上跟網友互動外，早前更公開B女的照片，趣致樣子勁吸like。接拍廣告時Leon亦不介意搞笑，完全貼近年輕人的喜好， 跟他們打成一片，最令人意想不到的是一向標榜靚仔的他，早前竟然拋下偶像身份，化上老人妝為政府拍攝一輯宣傳片。
香港首次
近日Leon再有新搞作，就是變身oppa為一個韓國洗頭水品牌拍攝電視廣告。其實今次並非他首次擔任洗頭水代言人，早於19年前，Leon就曾經前往法國為當地一個洗頭水品牌拍攝廣告，不過在香港，今次就是第一次。
支持創意
今次Leon還獻出另一個第一次，就是要在廣告中穿上韓國古時的醫服扮演「明醫師」，他用搞笑手法向大家拆解補髮的謬誤。談到今次的oppa造型，Leon笑說：「幾得意吖！要支持吓新嘅創意，廣告最緊要令人有印象，唔係就冇用。」問到平時是否都十分緊張頭髮？Leon就表示最緊要乾淨，尤其香港天氣好潮濕，洗頭水好緊要，最好春天用完頭髮要彈，秋天就要爽。
撰文：李森