新聞類別
娛樂
詳情#
【蘋果日報】現年35歲的沈震軒，在電視台拍劇浮沉九年，正當人人以為他終於捱到有機會上位時，卻毅然離開舒適圈去追求音樂夢，與戰友莫凱謙（謙仔）、「享樂團」鄺旨呈和小提琴手Rex自組樂團在街頭busking，唱自己創作的歌曲，似要告訴大家，惟有追夢才不枉此生。
認識沈震軒，大多數人或許都是透過電視劇認識他，事關沈震軒在電視台捱足九年，由「茄喱啡」做到有對白、有戲份、有感情線的男配角，以為終於有望入屋上位。但兩年前，沈震軒突然約滿離開電視台，追尋自己的音樂夢，不少人覺得不解，但沈震軒卻無悔，他說：「每十年我就會離開之前嘅zone，我自細就憧憬自彈自唱自己嘅歌，每個人轉工都有過度期，我唔算太長。音樂上我有野心，希望將來有人會模仿我嘅聲音唱歌。做演員可以專業地玩弄感情，呢場戲好傷心，下一場戲可以好開心，演戲可以平衡情緒，不過演戲係別人嘅角色，音樂係屬於我自己。」
街頭練執生
沈震軒離開電視台後，與莫凱謙、鄺旨呈和Rex自組成樂團，近年經常在街頭busking，不經不覺已有一年。最近他們創作新歌《不枉》，為宣傳走上街busking，卻遇上「菜街殺街」引發的大媽遷徙，令他們演出時被驅趕、收到警告信，雖然無奈，但難得的是搵到知音。沈震軒表示四個音樂戰友走在一起，全因有同一理念，他說︰「鍾意音樂，大家喺街度busking，鍾意到喺Ig、fb寫日記，記錄低我哋嘅事。玩busking，就好似小朋友見到玩具咁。」
每次唱live沈震軒都好忘我︰「好似最近我帶埋Rex去內地演唱，現場on show時支咪stand一路唱一路跌，而張凳亦高咗，雖然場地有甩漏，但show must go on，不過我睇番playback，原來我好從容。呢種處變不驚，係busking練番嚟！係音樂令我放低咗形象。」
一次即上癮
街頭busking，總會遇到光怪陸離的事，沈震軒慶幸總是遇到好人好事︰「試過有次警察嚟到，勸我哋暫時細聲啲，畀身份證抄完牌就走，成件事好warm。最初去busking冇同公司講，後來公司話呢啲冇錢收，我覺得why not？係我自己提出要去，原來玩完一次之後，係返唔到轉頭。」唱歌時，他不用chok，完全真情流露，寫的歌也是自己的人生觀︰「雖然人生好多壓力，但唔需要放大，歌曲想帶給大家正能量。」
撰文︰羅婉玲
攝影︰沈健程
認識沈震軒，大多數人或許都是透過電視劇認識他，事關沈震軒在電視台捱足九年，由「茄喱啡」做到有對白、有戲份、有感情線的男配角，以為終於有望入屋上位。但兩年前，沈震軒突然約滿離開電視台，追尋自己的音樂夢，不少人覺得不解，但沈震軒卻無悔，他說：「每十年我就會離開之前嘅zone，我自細就憧憬自彈自唱自己嘅歌，每個人轉工都有過度期，我唔算太長。音樂上我有野心，希望將來有人會模仿我嘅聲音唱歌。做演員可以專業地玩弄感情，呢場戲好傷心，下一場戲可以好開心，演戲可以平衡情緒，不過演戲係別人嘅角色，音樂係屬於我自己。」
街頭練執生
沈震軒離開電視台後，與莫凱謙、鄺旨呈和Rex自組成樂團，近年經常在街頭busking，不經不覺已有一年。最近他們創作新歌《不枉》，為宣傳走上街busking，卻遇上「菜街殺街」引發的大媽遷徙，令他們演出時被驅趕、收到警告信，雖然無奈，但難得的是搵到知音。沈震軒表示四個音樂戰友走在一起，全因有同一理念，他說︰「鍾意音樂，大家喺街度busking，鍾意到喺Ig、fb寫日記，記錄低我哋嘅事。玩busking，就好似小朋友見到玩具咁。」
每次唱live沈震軒都好忘我︰「好似最近我帶埋Rex去內地演唱，現場on show時支咪stand一路唱一路跌，而張凳亦高咗，雖然場地有甩漏，但show must go on，不過我睇番playback，原來我好從容。呢種處變不驚，係busking練番嚟！係音樂令我放低咗形象。」
一次即上癮
街頭busking，總會遇到光怪陸離的事，沈震軒慶幸總是遇到好人好事︰「試過有次警察嚟到，勸我哋暫時細聲啲，畀身份證抄完牌就走，成件事好warm。最初去busking冇同公司講，後來公司話呢啲冇錢收，我覺得why not？係我自己提出要去，原來玩完一次之後，係返唔到轉頭。」唱歌時，他不用chok，完全真情流露，寫的歌也是自己的人生觀︰「雖然人生好多壓力，但唔需要放大，歌曲想帶給大家正能量。」
撰文︰羅婉玲
攝影︰沈健程
回應 (0)
