黃紫盈做主播不宜太靚

【蘋果日報】前新聞主播黃紫盈離開無綫五年，做過宣傳人員、公關、主持，又自組製作公司拍旅遊節目，還教小朋友做小主持及推售美酒。紫盈直認怕悶，當初大學畢業，因為沒有記者位，半推半就下才轉做主播。當時正發展24小時新聞，令她接觸到不同崗位，像上多幾年大學。
談到作為主播外貌是否有決定因素時，紫盈說：「我靚唔靚就見仁見智啦，未至於係典型靚女，但有少許觀眾緣。好多前輩話，做主播唔一定要美若天仙，太靚反而聽唔到你講乜嘢，最重要係將訊息話畀觀眾知，所以眼神接觸好重要，每次望鏡頭，就好似同一個朋友講緊一項重要資訊咁。」
對於前主播繆美詩曾在專欄中批評有前主播食老本拍廣告搵錢，破壞整個行業的專業及公信力，紫盈另有看法：「我覺得每個人過去做過乜嘢工作，都係歷史，係履歷之一，呢個掛鈎你唔會專登抹走佢，但同樣接工作要三思，最重要唔好誤導，OK就去馬。」
採訪：嵐山
攝影：沈健程
場地提供：HITE JINRO PUB
Makeup & Hair：Joe Ma