黃翊盡抽時間陪太太

【蘋果日報】黃翊將於下周二舉行演唱會，昨日到尖沙嘴排舞，臨近演出，他表示相當期待：「今次係自己第一次賣飛演唱會，同日仲會推出唱片，所以當晚係睇住自己雙胞胎誕生。」不過，阿翊透露太太目前身體抱恙要留院，到時只能由囝囝做代表，他說：「依家除咗排練都會盡量去醫院陪太太，有啲朋友問我，太太唔舒服，演出係咪會暫停？但其實所有嘢都準備好，演出一定要繼續，我相信太太喺醫院有醫護人員照顧係最好嘅方法。」
由於要兼顧排練和照顧太太，阿翊直言近日都消瘦了十幾磅，問到可會嘗試在演唱會上開直播給太太？阿翊苦笑：「佢依家應該暫時睇唔到，惟有等我做完騷有機會再講返畀佢聽。」
採訪：曹家誠
攝影：陳慧安