新聞類別
娛樂
詳情#
【蘋果日報】
何嘉莉（Lillian）、黃依汶（Emme）、鄭希怡（Yumiko）同Jessica C.噚晚現身中環出席晚宴活動，Lillian噚日喺社交網寫「1+1=5」公佈再有喜，晚上現身活動接受傳媒訪問，透露今次生B係計劃之外。
大仔想要細佬
Lillian話：「係意外，唔係預期中嘅事，本來諗住一仔一女都好好，同埋囡囡9月先一歲，諗住放多啲時間喺囡囡身上，上半年又俾婦女病纏擾咗好耐，啲機能都亂晒，真係冇諗過，而且之前陀囡囡都試咗兩年先有，以為好難再懷孕，點知三年抱兩發生喺自己身上。」
Lillian又話之前同老公諗咗好耐點處理，但貓貓狗狗都唔會唔要，何況自己骨肉，所以一定唔可以殺死佢。佢承認家人有反對，怕佢辛苦，而且身體未復原，又諗到財政負擔，但最後都接受咗。問佢知唔知今胎仔定女？Lillian笑住話：「依家四個幾月都照咗，但係遮吓遮吓咁，所以未確定，我自己同老公都想要女，但大仔話想要細佬。」
Yumiko一個夠晒
Yumiko同Emme話有恭喜Lillian，至於佢哋兩個會唔會再生？Yumiko話有啲矛盾，因為一個好舒服，佢又笑言：「梁浸浸係話過想有細佬，但我話：『你有陳真囉』佢就話喺喎。」Emme就話囝囝陳真講明唔想要，因為想佢同老公錫晒自己。
撰文：馮仁昭
何嘉莉（Lillian）、黃依汶（Emme）、鄭希怡（Yumiko）同Jessica C.噚晚現身中環出席晚宴活動，Lillian噚日喺社交網寫「1+1=5」公佈再有喜，晚上現身活動接受傳媒訪問，透露今次生B係計劃之外。
大仔想要細佬
Lillian話：「係意外，唔係預期中嘅事，本來諗住一仔一女都好好，同埋囡囡9月先一歲，諗住放多啲時間喺囡囡身上，上半年又俾婦女病纏擾咗好耐，啲機能都亂晒，真係冇諗過，而且之前陀囡囡都試咗兩年先有，以為好難再懷孕，點知三年抱兩發生喺自己身上。」
Lillian又話之前同老公諗咗好耐點處理，但貓貓狗狗都唔會唔要，何況自己骨肉，所以一定唔可以殺死佢。佢承認家人有反對，怕佢辛苦，而且身體未復原，又諗到財政負擔，但最後都接受咗。問佢知唔知今胎仔定女？Lillian笑住話：「依家四個幾月都照咗，但係遮吓遮吓咁，所以未確定，我自己同老公都想要女，但大仔話想要細佬。」
Yumiko一個夠晒
Yumiko同Emme話有恭喜Lillian，至於佢哋兩個會唔會再生？Yumiko話有啲矛盾，因為一個好舒服，佢又笑言：「梁浸浸係話過想有細佬，但我話：『你有陳真囉』佢就話喺喎。」Emme就話囝囝陳真講明唔想要，因為想佢同老公錫晒自己。
撰文：馮仁昭
回應 (0)
