新聞類別
娛樂
詳情#
【蘋果日報】生老病死是人生必經的課題。對於現年88歲的劉兆銘（Ming Sir）來說，曾是一個如天闕的難關，12年他的太太張慧玲離世，一度令Ming Sir意志消沉，拒絕再演戲，可是他心中的一團火始終未熄，最近再度復出幕前的他坦言：「因為我嘅火氣，就好似想戰鬥咁，想搵人打！幾十歲人，咁咪過咗位囉！」他更豪言：「我要爭取時間繼續做！」
與劉兆銘做訪問，話題上至天文、下至地理，人生哲理滔滔不絕。儘管他坐得太久難以站起，不過他堅持不用人扶，靠自己企起身。外表硬朗的Ming Sir，其實相當貼心，當日他為方便攝影師，更預先帶了三副私伙眼鏡，記者發現其中一個眼鏡盒上，他貼了亡妻的照片，相片背後寫着其生卒日期。
失工作意欲
Ming Sir的太太張慧玲於12年離世，之後有段時間，Ming Sir暫停拍戲：「以前太太成日跟住我做嘢，自從佢離開咗後，我覺得失去咗一半對工作嘅嘢，嗰樣唔係叫做興趣，而係唔知仲做嚟為乜。我覺得佢已經唔喺度，唔做（演戲），我覺得當係懷念佢，我唔演戲，就好似人哋守靈咁。」
有人提議Ming Sir搵個伴，不過他卻耍手擰頭：「有人話我可以搵番個伴，亦都有人話可以做我個伴，但係我覺得就算碰到一個幾靚嘅人，如果唔啱傾，即刻覺得佢冇味道，點靚都冇用。人同人嘅感情係好難講，要有一份共鳴喺度，要一齊好耐先有，我自己冇時間去搵，亦冇呢份精力，我都已經88歲，佢鍾意得我又幾多年呢？」
笑演日落前
今時今日，Ming Sir指自己比起不少後輩更要火爆，他笑說：「我係一個無厘頭嘅人，講講吓你會唔知我講乜，不過我希望保持身體健康，笑演日落前。喺呢段時間，要搵人救我，因為我嘅火氣，就好似想戰鬥咁，想搵人打！幾十歲人，咁咪過咗位囉！我唔知點搞！」
Ming Sir全副戰鬥格，全因近日接拍網劇《蝕日風暴》，再次燃點起心中團火。Ming Sir說：「今次再返嚟拍劇係好大考驗，遇上好多嘢係即興嘅事，先係喺四日內自己買晒自己嘅戲服，跟住好多時即日收到劇本，喺唔知之前劇情嘅情況下，一邊創作、一邊演，真係好好玩！我仲唔畀自己睇playback，當係一個學習、一個修行，實情係玩自己！」他續說：「演到最後，我同導演講我點樣做都照拍。」
連導演都靠邊站，但Ming Sir卻表示片場一片和諧：「我同三個導演第一次合作，甚至有啲工作人員係唔識，但我有一種：『阿叔返嚟探親』嘅感覺。拍完每一場戲，就有幾十人影合照，有一種唔捨得你走嘅感覺，仲令我好唔想退休，我要爭取時間繼續做。」Ming Sir坦言：「我要保護同鍛煉好身體，先可以接嘢做。呢種係生命力嘅再生，一休息就冇再生嘅能量。當有好靚機會畀你，就算有晒酒色財氣都冇用，乜嘢都話等一等，你話幾痛苦！」
撰文：何慧斯
攝影：沈健程
與劉兆銘做訪問，話題上至天文、下至地理，人生哲理滔滔不絕。儘管他坐得太久難以站起，不過他堅持不用人扶，靠自己企起身。外表硬朗的Ming Sir，其實相當貼心，當日他為方便攝影師，更預先帶了三副私伙眼鏡，記者發現其中一個眼鏡盒上，他貼了亡妻的照片，相片背後寫着其生卒日期。
失工作意欲
Ming Sir的太太張慧玲於12年離世，之後有段時間，Ming Sir暫停拍戲：「以前太太成日跟住我做嘢，自從佢離開咗後，我覺得失去咗一半對工作嘅嘢，嗰樣唔係叫做興趣，而係唔知仲做嚟為乜。我覺得佢已經唔喺度，唔做（演戲），我覺得當係懷念佢，我唔演戲，就好似人哋守靈咁。」
有人提議Ming Sir搵個伴，不過他卻耍手擰頭：「有人話我可以搵番個伴，亦都有人話可以做我個伴，但係我覺得就算碰到一個幾靚嘅人，如果唔啱傾，即刻覺得佢冇味道，點靚都冇用。人同人嘅感情係好難講，要有一份共鳴喺度，要一齊好耐先有，我自己冇時間去搵，亦冇呢份精力，我都已經88歲，佢鍾意得我又幾多年呢？」
笑演日落前
今時今日，Ming Sir指自己比起不少後輩更要火爆，他笑說：「我係一個無厘頭嘅人，講講吓你會唔知我講乜，不過我希望保持身體健康，笑演日落前。喺呢段時間，要搵人救我，因為我嘅火氣，就好似想戰鬥咁，想搵人打！幾十歲人，咁咪過咗位囉！我唔知點搞！」
Ming Sir全副戰鬥格，全因近日接拍網劇《蝕日風暴》，再次燃點起心中團火。Ming Sir說：「今次再返嚟拍劇係好大考驗，遇上好多嘢係即興嘅事，先係喺四日內自己買晒自己嘅戲服，跟住好多時即日收到劇本，喺唔知之前劇情嘅情況下，一邊創作、一邊演，真係好好玩！我仲唔畀自己睇playback，當係一個學習、一個修行，實情係玩自己！」他續說：「演到最後，我同導演講我點樣做都照拍。」
連導演都靠邊站，但Ming Sir卻表示片場一片和諧：「我同三個導演第一次合作，甚至有啲工作人員係唔識，但我有一種：『阿叔返嚟探親』嘅感覺。拍完每一場戲，就有幾十人影合照，有一種唔捨得你走嘅感覺，仲令我好唔想退休，我要爭取時間繼續做。」Ming Sir坦言：「我要保護同鍛煉好身體，先可以接嘢做。呢種係生命力嘅再生，一休息就冇再生嘅能量。當有好靚機會畀你，就算有晒酒色財氣都冇用，乜嘢都話等一等，你話幾痛苦！」
撰文：何慧斯
攝影：沈健程
回應 (0)
