Stephy為即興結婚解畫

【蘋果日報】鄧麗欣（Stephy）前日於尖沙嘴出席珠寶活動時，為自己早前在訪問中透露婚事可以好即興一事解畫，她說：「我諗係訪問中言語上有啲誤會，我意思係我性格好即興，唔會事事刻意計劃，但結婚點都要plan吓嘅，但係就算plan都唔係我去plan啦。」問到是否視邱勝翊（王子）為結婚對象？她大耍太極：「兩個人相處最緊要開心。」
雖然與王子異地戀，但兩人都盡量爭取時間見面，Stephy透露王子早前在台灣為她舉行驚喜生日派對，令她心花怒放︰「佢好花心思佈置得好靚，同啲最close嘅朋友玩咗一晚。」她說男友有送禮，但是甚麼就不便公開。
採訪︰曹家誠
攝影：林賓尼