新聞類別
娛樂
詳情#
【蘋果日報】林嘉欣前晚在香港大學錄影港台節目，她的導演老公袁劍偉也是座上客，未知是否因嘉欣向來被喻為反叛的人，但擁有一段不反叛的婚姻，現場觀眾都甚關注她的感情生活。主持追問嘉欣可否分享與老公的愛情觀？嘉欣笑說：「好怕醜，可能先生喺度，我冇大家想像咁堅強。」
「感覺好刺激」
然後轉話題的嘉欣，自爆有一個由十幾歲時開始通信了八年才見面的筆友，直到現時仍有通信聯絡，她說：「寫信畀一個唔識又未見過嘅人，感覺幾得意，仲會囉囉攣，依家好多嘢都太即時，寫信見唔到有機會思念，感覺好刺激。」
不過話題很快又回到感情生活上，問到袁劍偉有甚麼過人之處？嘉欣愕然地「吓」了一聲，再大笑望向坐在台下的老公，反問：「你有冇嘢講？女人要有少少矜持。」接着她行到台下問老公，不過袁劍偉說：「冇嘢好講，係咁就係咁。」嘉欣再激讚老公：「佢好好，好到不得了，大家有一份明白，呢行好難識到好朋友、愛情，穩定嘅感情，難得一份明白同包容，一句到尾佢好好。」至於有否考慮挑戰老公做導演？嘉欣說：「冇，零呀，唔會，我太享受做戲感覺，我性格成日都變，好多嘢想學，先生要跟住我速度都幾辛苦。」
筆友有家庭
活動完畢後，嘉欣接受傳媒訪問時，與老公大方合照，她透露現時仍有和德國筆友聯絡，老公未有為此呷醋，她說：「異性唔一定係嗰樣嘢，我冇諗過同對方發展情侶關係，都唔係嗰樣嘢，我反而覺得唔同世界任何嘢都可以講，有時可能人哋都唔知我講緊乜，佢都知道我係藝人，佢已經有家庭。」至於老公的過人之處？嘉欣說：「老公唔畀講，唔講得，我好聽佢話，雖然反叛但尊重佢。」
採訪：卓寶花
攝影：陳慧安
「感覺好刺激」
然後轉話題的嘉欣，自爆有一個由十幾歲時開始通信了八年才見面的筆友，直到現時仍有通信聯絡，她說：「寫信畀一個唔識又未見過嘅人，感覺幾得意，仲會囉囉攣，依家好多嘢都太即時，寫信見唔到有機會思念，感覺好刺激。」
不過話題很快又回到感情生活上，問到袁劍偉有甚麼過人之處？嘉欣愕然地「吓」了一聲，再大笑望向坐在台下的老公，反問：「你有冇嘢講？女人要有少少矜持。」接着她行到台下問老公，不過袁劍偉說：「冇嘢好講，係咁就係咁。」嘉欣再激讚老公：「佢好好，好到不得了，大家有一份明白，呢行好難識到好朋友、愛情，穩定嘅感情，難得一份明白同包容，一句到尾佢好好。」至於有否考慮挑戰老公做導演？嘉欣說：「冇，零呀，唔會，我太享受做戲感覺，我性格成日都變，好多嘢想學，先生要跟住我速度都幾辛苦。」
筆友有家庭
活動完畢後，嘉欣接受傳媒訪問時，與老公大方合照，她透露現時仍有和德國筆友聯絡，老公未有為此呷醋，她說：「異性唔一定係嗰樣嘢，我冇諗過同對方發展情侶關係，都唔係嗰樣嘢，我反而覺得唔同世界任何嘢都可以講，有時可能人哋都唔知我講緊乜，佢都知道我係藝人，佢已經有家庭。」至於老公的過人之處？嘉欣說：「老公唔畀講，唔講得，我好聽佢話，雖然反叛但尊重佢。」
採訪：卓寶花
攝影：陳慧安
回應 (0)
