兩年拆夥皆因「唔夠靚仔」

【蘋果日報】由李安、楊千嬅老公丁子高、梁世豪及余啟邦組成的VRF出道僅兩年就散band，已離開娛圈的Ray想起當年，笑說：「我哋四個係由經理人介紹認識，本來喺唔同地方讀書。嗰時華納老闆想做一隊跳舞組合，99年開始訓練，一年後就出道。」
Ray表示自己比Twins更早出道：「我哋早Twins半年出道㗎，當然佢哋一出道就好犀利啦。我哋唔靚仔吖嘛，台灣有F4，經理人想我哋玩靚仔，但我哋唔得㗎嘛，所以做做吓都有好多分歧，咁咪拆囉！」不過，Ray指他們四人仍有聯絡，但未有想過重組，因為大家都好忙。Ray又笑說：「以前經理人有搵呀，玩吓就得，真就梗係唔得啦！」
訪問當日，Ray的台灣籍太太Rozey全程陪伴在側，非常恩愛。Ray指和太太7年前在香港認識，因為滑水圈子其實不大，後來二人在澳洲遇上，便自然走在一起。