新聞類別
娛樂
詳情#
【蘋果日報】【爆相爆片】前港姐冠軍張名雅兩年前同律師男友蔡錦豪結婚，生咗囝囝Mario，今年7月宣佈懷第二胎，預產期喺12月，兩夫婦卸貨前撇低大仔去泰國，正當佢哋喺泰國返港時，喺機場仲俾《蘋果》讀者李小姐透過「爆相爆片」捕獲。
老公做阿四
李小姐話：「我喺泰國機場嗰邊已經見到佢哋，上到飛機已經好突出，一來又大住肚，二來又戴住太陽眼鏡，所以啲空姐有叫人讓一讓路，你知飛機啲位都好窄，所以佢都好堅。」李小姐估唔到返到香港，拎行李嗰陣又見到張名雅，嗰陣佢仲坐喺架行李車上面，李小姐話：「我聽到有啲人都叫佢小心啲，唔好坐喺行李輸送帶附近，費事啲人拎行李嗰陣撞親佢。」雖然老公全程負責拎行李，張名雅就乜都唔使拎，但李小姐話佢哋兩公婆唔知係咪太攰，全程都冇乜傾偈。
之後張名雅受訪時就話：「其實初初都有啲驚，不過事前都有問過醫生，佢了解晒成個行程就話冇問題，所以出去玩吓，不過我飛埋今次就唔會再去，就算有乜嘢活動都留返香港。」講到同老公冇乜偈傾，佢笑笑口話：「哈哈，咁坐機可以傾到啲乜嘢？唔通眾目睽睽攬住錫咩？我哋都有一齊睇戲、傾吓偈，睇番之前影嘅相，之後咪休息吓。」至於大膽坐行李車，張名雅就話：「我個人又冇乜所謂，見有地方咪坐吓。」
老公做阿四
李小姐話：「我喺泰國機場嗰邊已經見到佢哋，上到飛機已經好突出，一來又大住肚，二來又戴住太陽眼鏡，所以啲空姐有叫人讓一讓路，你知飛機啲位都好窄，所以佢都好堅。」李小姐估唔到返到香港，拎行李嗰陣又見到張名雅，嗰陣佢仲坐喺架行李車上面，李小姐話：「我聽到有啲人都叫佢小心啲，唔好坐喺行李輸送帶附近，費事啲人拎行李嗰陣撞親佢。」雖然老公全程負責拎行李，張名雅就乜都唔使拎，但李小姐話佢哋兩公婆唔知係咪太攰，全程都冇乜傾偈。
之後張名雅受訪時就話：「其實初初都有啲驚，不過事前都有問過醫生，佢了解晒成個行程就話冇問題，所以出去玩吓，不過我飛埋今次就唔會再去，就算有乜嘢活動都留返香港。」講到同老公冇乜偈傾，佢笑笑口話：「哈哈，咁坐機可以傾到啲乜嘢？唔通眾目睽睽攬住錫咩？我哋都有一齊睇戲、傾吓偈，睇番之前影嘅相，之後咪休息吓。」至於大膽坐行李車，張名雅就話：「我個人又冇乜所謂，見有地方咪坐吓。」
回應 (0)
