新聞類別
娛樂
詳情#
【蘋果日報】陳奕迅（Eason）今晚於中環摩天輪底空地舉行慈善音樂會，今次音樂會不設售票，主要招待11個慈善機構、大約有1,600人入場。不過，Eason早前已經宣佈會開live直播任睇。
商業與藝術共融
話雖如此，Eason昨午到中環為演唱會綵排，雖然舞台三面圍滿黑布，不過仍吸引不少粉絲到「核心外圍」欣賞，實行「免費聽騷」。Eason綵排完接受訪問時說︰「個病未好番晒！不過對住個咁空曠地方，真係好正、好開心，中環呢個地方唔應該再起樓，否則真係嘥咗，日本都有啲地方，商業同藝術都可以共融，好似細個成日去嘅旋轉餐廳，做生意都可以係文化，可能係賺少啲，但點解每樣嘢都要賺到咁盡先？依家呢個有場地有人造草，仲有海風，可以欣賞好靚嘅夜景。」
談到場地的聲音管制會否很複雜，Eason表示︰「我戴住耳機真係唔知，可能有，但開騷時間係6點至8點，已經提早咗，如果霧霾勁仲唔使放煙花。不過因為安全理由，第一行觀眾同舞台距離要有十米。」問到會否在這個場地再搞賣飛騷，他就說︰「賣飛喺度就難啲，細騷就可以嘅，同埋我唔想炒飛。」
想人人有飛睇騷
Eason又透露心願是在紅館做跨年騷，提到好兄弟霆鋒亦已入紙爭場，他就笑住「出口術」︰「依家等政府發落，本來我係申請暑假檔期，但因為冇做過跨年，今次點都要做到。佢可以揀12月頭，或者農曆年派利是，總之我就要12月同1月個期，我咁樣講到出口已經好唔要面。香港人咁愛我我真係好開心，我想人人都有飛睇，開30幾場都冇所謂。」
採訪︰盧妹
攝影︰陳慧安
商業與藝術共融
話雖如此，Eason昨午到中環為演唱會綵排，雖然舞台三面圍滿黑布，不過仍吸引不少粉絲到「核心外圍」欣賞，實行「免費聽騷」。Eason綵排完接受訪問時說︰「個病未好番晒！不過對住個咁空曠地方，真係好正、好開心，中環呢個地方唔應該再起樓，否則真係嘥咗，日本都有啲地方，商業同藝術都可以共融，好似細個成日去嘅旋轉餐廳，做生意都可以係文化，可能係賺少啲，但點解每樣嘢都要賺到咁盡先？依家呢個有場地有人造草，仲有海風，可以欣賞好靚嘅夜景。」
談到場地的聲音管制會否很複雜，Eason表示︰「我戴住耳機真係唔知，可能有，但開騷時間係6點至8點，已經提早咗，如果霧霾勁仲唔使放煙花。不過因為安全理由，第一行觀眾同舞台距離要有十米。」問到會否在這個場地再搞賣飛騷，他就說︰「賣飛喺度就難啲，細騷就可以嘅，同埋我唔想炒飛。」
想人人有飛睇騷
Eason又透露心願是在紅館做跨年騷，提到好兄弟霆鋒亦已入紙爭場，他就笑住「出口術」︰「依家等政府發落，本來我係申請暑假檔期，但因為冇做過跨年，今次點都要做到。佢可以揀12月頭，或者農曆年派利是，總之我就要12月同1月個期，我咁樣講到出口已經好唔要面。香港人咁愛我我真係好開心，我想人人都有飛睇，開30幾場都冇所謂。」
採訪︰盧妹
攝影︰陳慧安
回應 (0)
