亡命司機雙手離軚玩電話

【蘋果日報】港珠澳大橋上周三通車，有澳門居民來香港探親之後，首次體驗乘搭直通巴返回澳門，結果卻猶如坐上亡命巴士，他發現司機在行車期間不時玩手機，甚至雙手離開軚盤拿着手機，「漠視車上乘客嘅生命」，事後已向直通巴公司投訴。
「港澳一號」發警告信
徐先生偕太太前日來香港與親友茶聚之後，即日傍晚6時半在觀塘乘搭「港澳一號」直通巴返回澳門，夫婦目睹司機沿途不時玩手機。
從徐先生所拍攝的片段可見，直通巴行經大橋時，司機雙手放在軚盤上，手指不停按鍵，「開車上港珠澳大橋後大約10分鐘，司機又攞手機出嚟發微信，當時天色已黑，爬頭又唔打燈，揸住個手機爬頭，當時我望吓個咪錶都86、87（公里）……一路玩到返澳門，我哋都冇出聲！」
一眾乘客抵達澳門下車時都感到氣憤，徐先生表示，有港人乘客稱回港之後會向運輸署投訴，「太危險喇，當我哋啲命都唔係命咁！」
由港澳直通巴士協會營運的「港澳一號」負責人李貴平表示，公司在大橋通車之前已經告誡司機行車時「即使打電話都唔可以」，指公司十分重視今次事件並會作出跟進，包括向涉事司機發警告信。
■記者張珮琪