底薪少　遇淡市　代理呻搵食難

【蘋果日報】有行內地產代理直言，平均底薪只約六千元，每日得200元使用，又要搭車睇樓，返工搭車食飯，近期樓市吹淡風，就算公司不裁員，好多代理都選擇自行離職。尤其是剛入行的代理，很多人學歷不高，「撈一排唔掂轉行大有人在」，茶餐廳侍應時薪都60元，好過做代理。所以，好多人撈不掂已靜悄悄離開。
面對同行出現裁員潮，該代理直言，當年入行也很辛酸，「老細要你企足一日十粒八粒鐘係奉旨，又搵不到食，那一刻都感心酸，自己匿埋一邊眼濕濕」。
八人爭一單
樓市踏入冰河時期，近月人數屢創新高的持牌地產代理「搵食」越加艱難，行內更出現裁員潮。據地產代理監管局最新數字，現時全港共有多達39,834名持牌地產代理，再創歷史新高。
然而行內僧多粥少情況嚴重，今年9月全港僅錄得4,799宗樓宇買賣登記，較今年6月高位9,252宗減少48%，創2016年3月後新低，平均八名地產代理爭一單。競爭如此大，故新盤不時出現代理爭客打鬥場面。