外圍變數多　港股未脫險

【蘋果日報】習、特一通電話，成就港股上周五恒指爆升過千點，創近10年以來最大單日升幅。
美選舉左右後市
不過白宮經濟顧問庫德洛馬上潑冷水，否認白宮正草擬潛在的貿易條款，加上普遍認為特朗普所屬的共和黨，將在中期選舉失落眾議院佔多數票的地位，短期外圍變數極多，惟短期美股、港股下挫的格局不變。
上周因貿易戰有所進展，港股勁升過千點，但白宮經濟顧問庫德洛馬上潑冷水，荷蘭國際集團（ING）大中華經濟師彭藹嬈亦對中美前景不感樂觀，因中美之間沒有「共通點」，「現在唔單貿易戰，仲有科技戰，美國覺得你偷緊科技，而中國覺得只係合作夥伴願意畀科技。G20係會傾，但點傾呢？好太空嘅又冇用，太實在嘅又唔會傾得成。」
至於美國中期選舉，預計本港時間周三中午會有結果，已有超過三千萬選民提早投票，傳統上中期選舉高投票率對民主黨有利。
中環資產投資管理基金創辦人譚新強認為，若民主黨贏出，股市在數小時，甚至整天都會下跌，因特朗普之後將面對很多麻煩，「民主黨肯定會就特朗普個人稅務、通俄門等調查，短期內市場都會擔心政治上不穩定性。加上美國呢兩年個市咁好，特朗普個形象同佢減稅方案有關，共和黨輸咗，一定有人怪罪特朗普，佢個無敵形象破壞咗，兩黨、中國對佢嘅睇法都會改變。」假使共和黨勝出，但在美股盈利見頂、再次加息等陰影下，股市都不會大升。
高盛發表報告指，國會分裂不利股市表現，並提高股市波動性，主因民主共和兩黨將於財政及其他議題，陷入爭拗不斷局面。不過譚新強指長遠來說，兩黨均同意應把資源投放在改善基建，即使選舉結果如何，若能達到共識有一、兩萬億的基建方案推出，有助將美國的十年牛市拉長。