新聞類別
娛樂
詳情#
【蘋果日報】現年60歲的冼國林，既是一代宗師葉問徒孫、藝人陳嘉桓師傅，也是第一信用（8215）前大股東，近年投資拍電影，力捧新人。不過，是非不絕的冼國林今年8月到韓國濟州出席「殼后」朱李月華的60歲生日會時卻感染惡菌，嚴重至要割眼保命，坊間更一度爆出他遇襲傳聞。冼國林日前首度露面，接受《蘋果》獨家專訪，親述染病經過，直言割眼後令他感到親情無價，決定在業務上退下火線，珍惜眼前人。
採訪：比華利
攝影：沈健程
冼國林經過三個月「閉關」治療，近日逐漸重新活躍社交網。他日前在大埔接受《蘋果》獨家專訪，當日身穿一身運動裝的冼國林，精神抖擻現身。由於左眼割走要用紗布蓋着傷口，他全程戴上太陽鏡。
請保鑣傍實
冼國林直言靜養期間，為加強免疫力及體質，堅持每日在屋苑附近的單車徑散步兼做運動，語畢他即興耍了一段詠春小念頭，甚至把腳放在欄杆上做壓腿，大病初癒的他動作仍然靈巧。
當日割眼消息傳出後，有傳聞指冼國林是遇襲受傷，他受訪時親口否認：「我有聽過，有啲人話我俾人打或落毒，其實我唔好彩啫，個天唔攞我命，我已覺得算好，老婆要我專心養病，唔畀我覆。我今次只係唔好彩細菌感染，唔好怪人，咁對邊個都唔公道，冇就唔好夾硬話人。」病後請保鑣傍實，冼國林解釋：「初初病後人冇力，請佢傍住，遲啲好番就唔使。最初我病好，行五分鐘都攰，又腳軟同氣喘，依家可以行到個幾鐘。」
冼國林憶述當日染病仍覺突然，他說：「事發當日，我哋去濟州出席朱太生日party，我喺飛機上有少少感冒，去到瞓咗一日冇事，我跟住仲有去宴會，但突然坐坐吓感覺好寒，開始發燒同痛，病情急轉得好快，我即刻返酒店，隻眼開始有啲矇，第二朝即搭機返港睇醫生。」醫生斷診冼國林左眼受細菌感染，要割眼保命，冼國林坦然面對。他更用小說《三國演義》中夏侯惇的故事做比喻：「夏侯惇俾箭射中眼，掹咗支箭出嚟，吞咗眼珠再打仗。我覺得既然我改變唔到，咪欣然接受。」
今年7月，冼國林入稟告權威金融（0397）旗下權威證券（前稱君陽證券）、第一信用第二大股東吳金龍、宏安集團（1222）主席鄧清河及權威金融執行董事薛世雄。他強調現在會放下一切公司業務給管理層，他說：「出事前半年，我有諗淡出，出事後加速決心，人始終有取捨。公司係機構，冇話冇邊個唔得，管理層唔係永恒。」冼國林表示退下火線後變得輕鬆自在，對於公司的官非，他續說：「我冇參與，交畀公司搞，我只係創辦人，唔使刻意請示我，我依家安心做投資者。」
希望有後福
經此一劫，冼國林坦言連人生觀也截然不同：「以前太搏，忽略咗家人。發病時，我最掛心唔落係囡囡，我仔細老婆嫩呀。我睇得好開，生死有命，富貴由天，上天要攞番你一隻眼，我接受。」這次醫病更花了逾百萬醫藥費，冼國林覺得錢財乃身外物，健康才是無價：「好多人話大難不死，必有後福，我希望有啦，今次死裏逃生，算係不幸中大幸，個天唔攞我命。」冼國林又謂將家庭事業重新排位：「淡出複雜嘅嘢，未來我想教番功夫，中國武術好值得我哋傳承落去，我仲會放多啲時間搞番電影。」他又謂會向「單眼導演」進發，更計劃下月重新開機拍戲。
現在視力減半，親情卻遞增，冼國林在休養日子，令父女相處時間多了，他說：「嗰日囡囡陪我行公園，係我哋父女首次拍拖，囡囡話不如影相留念，我依家珍惜呢啲點滴。」冼國林更笑謂從前囡囡會把他排在媽咪和工人後，但現在已「升呢」與媽咪同屬榜首，又指囡囡現在每晚還會送吻才入睡，令他甜到漏。可考慮再造人？冼國林說：「呢個要問我老婆，我鍾意細路，其實多幾個冇問題，但太太湊我哋兩個都辛苦，要說服佢有難度，但囡囡依家可以幫手湊細佬妹，佢恨做姐姐。」
採訪：比華利
攝影：沈健程
冼國林經過三個月「閉關」治療，近日逐漸重新活躍社交網。他日前在大埔接受《蘋果》獨家專訪，當日身穿一身運動裝的冼國林，精神抖擻現身。由於左眼割走要用紗布蓋着傷口，他全程戴上太陽鏡。
請保鑣傍實
冼國林直言靜養期間，為加強免疫力及體質，堅持每日在屋苑附近的單車徑散步兼做運動，語畢他即興耍了一段詠春小念頭，甚至把腳放在欄杆上做壓腿，大病初癒的他動作仍然靈巧。
當日割眼消息傳出後，有傳聞指冼國林是遇襲受傷，他受訪時親口否認：「我有聽過，有啲人話我俾人打或落毒，其實我唔好彩啫，個天唔攞我命，我已覺得算好，老婆要我專心養病，唔畀我覆。我今次只係唔好彩細菌感染，唔好怪人，咁對邊個都唔公道，冇就唔好夾硬話人。」病後請保鑣傍實，冼國林解釋：「初初病後人冇力，請佢傍住，遲啲好番就唔使。最初我病好，行五分鐘都攰，又腳軟同氣喘，依家可以行到個幾鐘。」
冼國林憶述當日染病仍覺突然，他說：「事發當日，我哋去濟州出席朱太生日party，我喺飛機上有少少感冒，去到瞓咗一日冇事，我跟住仲有去宴會，但突然坐坐吓感覺好寒，開始發燒同痛，病情急轉得好快，我即刻返酒店，隻眼開始有啲矇，第二朝即搭機返港睇醫生。」醫生斷診冼國林左眼受細菌感染，要割眼保命，冼國林坦然面對。他更用小說《三國演義》中夏侯惇的故事做比喻：「夏侯惇俾箭射中眼，掹咗支箭出嚟，吞咗眼珠再打仗。我覺得既然我改變唔到，咪欣然接受。」
今年7月，冼國林入稟告權威金融（0397）旗下權威證券（前稱君陽證券）、第一信用第二大股東吳金龍、宏安集團（1222）主席鄧清河及權威金融執行董事薛世雄。他強調現在會放下一切公司業務給管理層，他說：「出事前半年，我有諗淡出，出事後加速決心，人始終有取捨。公司係機構，冇話冇邊個唔得，管理層唔係永恒。」冼國林表示退下火線後變得輕鬆自在，對於公司的官非，他續說：「我冇參與，交畀公司搞，我只係創辦人，唔使刻意請示我，我依家安心做投資者。」
希望有後福
經此一劫，冼國林坦言連人生觀也截然不同：「以前太搏，忽略咗家人。發病時，我最掛心唔落係囡囡，我仔細老婆嫩呀。我睇得好開，生死有命，富貴由天，上天要攞番你一隻眼，我接受。」這次醫病更花了逾百萬醫藥費，冼國林覺得錢財乃身外物，健康才是無價：「好多人話大難不死，必有後福，我希望有啦，今次死裏逃生，算係不幸中大幸，個天唔攞我命。」冼國林又謂將家庭事業重新排位：「淡出複雜嘅嘢，未來我想教番功夫，中國武術好值得我哋傳承落去，我仲會放多啲時間搞番電影。」他又謂會向「單眼導演」進發，更計劃下月重新開機拍戲。
現在視力減半，親情卻遞增，冼國林在休養日子，令父女相處時間多了，他說：「嗰日囡囡陪我行公園，係我哋父女首次拍拖，囡囡話不如影相留念，我依家珍惜呢啲點滴。」冼國林更笑謂從前囡囡會把他排在媽咪和工人後，但現在已「升呢」與媽咪同屬榜首，又指囡囡現在每晚還會送吻才入睡，令他甜到漏。可考慮再造人？冼國林說：「呢個要問我老婆，我鍾意細路，其實多幾個冇問題，但太太湊我哋兩個都辛苦，要說服佢有難度，但囡囡依家可以幫手湊細佬妹，佢恨做姐姐。」
回應 (0)
