新聞類別
港聞
詳情#
【蘋果日報】今年颱風特別多，除超強颱風「山竹」襲港，亦有施回馬槍的「山神」及蝴蝶結式盤旋的「貝碧嘉」，秋意漸濃之際「玉兔」才剛離去。有一班看似尋常百姓的上班族，其實卧虎藏龍，每逢風季出動，並非一味拿測風儀到海邊，更會鑽研氣象圖分析。世間洞明皆學問，這班追風者預測有時甚至較官方天文台更準更快、更加簡潔易明，恍如民間專家，但其實個個素人，他們組成的地下天文台，為市民提供多一種天氣資訊途徑。
記者：李晟謙
攝影：簡明恩、張家豪
地下天文台由方志剛在1995成立，發展至今不但有官方網站，同時經營社交網站，寫報紙專欄，媲美官方，核心成員卻只有不夠10人。
雖然沒有先進儀器、沒有雷達資源，甚至連會址也沒有，不過每逢颱風形成，一眾成員靠着外國網站公開的氣象圖，便會各自推測颱風路徑，洋洋灑灑寫出一篇又一篇的天氣預測。網上資訊百花齊放，要人駐足停留總要有法寶吧？或者沒有官方的束縛，地下天文台往往能採納各地數據分析，例如熱帶氣旋移動路徑，便能提供逾50個相關網站數據參考。
「我哋有平台講一大堆內容都得，市民覺得睇我哋嘅內容較淺白。」
方志剛認為，市民相信地下天文台的預測較準，皆因他們空間較大，能將深奧的氣象科學解釋得較簡潔易明，「佢哋（天文台）嘅空間較少，電視、電台嘅天氣預報只得10秒、15秒，但我哋有平台可以講一大堆內容都得，所以市民覺得睇我哋嘅內容較淺白」。
不過，原來由台長至成員絕大部份都不是修讀氣象出身，台長方志剛大學主修電子計算系，畢業後曾任大學助理研究颱風，及後加入皇家天文台任科學主任，但又覺工作有掣肘，於是離開，「我細個鍾意天氣，一直到長大都係一個人玩，直至互聯網出現，不如將自己心頭好放上去，整一個網頁，睇吓有冇同好，先發現原來很多人喜歡」。
每逢翻風下雨，討論區便熱烈討論，「嗰時最多人，比較專門嘅人都參與我哋嘅討論」。在網絡未發達時，地下天文台像磁石般吸引一班氣象愛好者。他們大多在網上搜尋氣象資料時認識地下。
回流香港的Ken，一開始是地下天文台的「競爭對手」，當時他正在加大拿讀書，閒時搜尋網上公開資料講香港颱風，「我發覺有人同我做相同嘅事，於是就搵佢傾偈，到我畢業返香港就約佢出嚟，情緣就咁開始」，身為業餘漫畫家的Ken，為地下設計天氣警告動畫。
成員阿朗23年前仍是初中生，最初經常在討論區討教，「我係膽粗粗喺討論區申請戶口成日問嘢，當時有好多問題，例如熱帶氣旋移動路徑受乜因素影響，季候風來臨前有乜預測方法」，最終方志剛邀請阿朗擔任助理台長，主理facebook專頁。
「當了解多咗氣象就會知道，真係要敬畏大自然，人類真係好渺小！」
成員阿恆對颱風資料倒背如流，預測近乎百發百中，充當地下天文台「資料庫」，「我喺一間公司做咗廿幾年，咁多年嚟同事問我需唔需要銷假，或打唔打成8號風球，到依家未有一次出錯」。證券業高層Jeff由美國回流，平日在證券公司工作，閒時卻愛研究古代流傳至今的曆法，「我買咗本萬年曆，成日鑽研」，因他深信曆法是研究氣象方式。一次朋友介紹Jeff認識方志剛，一拍即合。從事IT的Joe說，每個颱風都有個性，故有不同移動路徑，話說得很玄，因他是占星家，「好多資深成員談對颱風嘅見解，佢嘅移動路徑」，成員的研究吸引Joe加入，更會撰寫氣象專欄。
野外定向活動教練Cedric簡單得多，天氣變化對他當然吸引，不過「最幫助係戶外活動時決定去定唔去」。受台長影響，家往屯門村屋的Cedric，今年初在天台安裝氣象儀器，數據會分享予地下天文台改進預測，「有時見到自己氣象站有啲數據幾特別，同天文台雷達話落雨有少少分別，一睇真係可能差少少」。
1999年8月，被喻為20年來最強颱風「森姆」襲港，阿恆等成員駕車上大帽山，在山腰停車場測到風速達140公里（達10號風球風力），「當時第一次感受咁強勁風速，大開眼界，但回想過來也算危險，咁空曠車都吹震，如果再大風很容易翻車」。但下山後他們沒有回家，而是駕車到沙頭角追風眼。方志剛回想：「去到好平靜海面冇浪，喺大帽山感受上百公里風速，但去到沙頭角一陣風都冇，好好玩。」不過各成員有家室後，輕狂歲月多了一重枷鎖，近年已較少追風。
鑽研氣象多年，人可勝天嗎？「當你了解多咗氣象就會知道，真係要敬畏大自然，人類真係好渺小」，阿恆認為可以研究氣象，但永遠不能改變其運作。所謂專家，人們都以為個個奇人異士，身懷曠世絕技，但結果各人故事大同小異，望天打卦忽然一道疑問湧上心頭，一心一意找出答案越挖越深，聚首地下天文台是天意，更多是人為。想成為專家?你夠專注嗎？
記者：李晟謙
攝影：簡明恩、張家豪
地下天文台由方志剛在1995成立，發展至今不但有官方網站，同時經營社交網站，寫報紙專欄，媲美官方，核心成員卻只有不夠10人。
雖然沒有先進儀器、沒有雷達資源，甚至連會址也沒有，不過每逢颱風形成，一眾成員靠着外國網站公開的氣象圖，便會各自推測颱風路徑，洋洋灑灑寫出一篇又一篇的天氣預測。網上資訊百花齊放，要人駐足停留總要有法寶吧？或者沒有官方的束縛，地下天文台往往能採納各地數據分析，例如熱帶氣旋移動路徑，便能提供逾50個相關網站數據參考。
「我哋有平台講一大堆內容都得，市民覺得睇我哋嘅內容較淺白。」
方志剛認為，市民相信地下天文台的預測較準，皆因他們空間較大，能將深奧的氣象科學解釋得較簡潔易明，「佢哋（天文台）嘅空間較少，電視、電台嘅天氣預報只得10秒、15秒，但我哋有平台可以講一大堆內容都得，所以市民覺得睇我哋嘅內容較淺白」。
不過，原來由台長至成員絕大部份都不是修讀氣象出身，台長方志剛大學主修電子計算系，畢業後曾任大學助理研究颱風，及後加入皇家天文台任科學主任，但又覺工作有掣肘，於是離開，「我細個鍾意天氣，一直到長大都係一個人玩，直至互聯網出現，不如將自己心頭好放上去，整一個網頁，睇吓有冇同好，先發現原來很多人喜歡」。
每逢翻風下雨，討論區便熱烈討論，「嗰時最多人，比較專門嘅人都參與我哋嘅討論」。在網絡未發達時，地下天文台像磁石般吸引一班氣象愛好者。他們大多在網上搜尋氣象資料時認識地下。
回流香港的Ken，一開始是地下天文台的「競爭對手」，當時他正在加大拿讀書，閒時搜尋網上公開資料講香港颱風，「我發覺有人同我做相同嘅事，於是就搵佢傾偈，到我畢業返香港就約佢出嚟，情緣就咁開始」，身為業餘漫畫家的Ken，為地下設計天氣警告動畫。
成員阿朗23年前仍是初中生，最初經常在討論區討教，「我係膽粗粗喺討論區申請戶口成日問嘢，當時有好多問題，例如熱帶氣旋移動路徑受乜因素影響，季候風來臨前有乜預測方法」，最終方志剛邀請阿朗擔任助理台長，主理facebook專頁。
「當了解多咗氣象就會知道，真係要敬畏大自然，人類真係好渺小！」
成員阿恆對颱風資料倒背如流，預測近乎百發百中，充當地下天文台「資料庫」，「我喺一間公司做咗廿幾年，咁多年嚟同事問我需唔需要銷假，或打唔打成8號風球，到依家未有一次出錯」。證券業高層Jeff由美國回流，平日在證券公司工作，閒時卻愛研究古代流傳至今的曆法，「我買咗本萬年曆，成日鑽研」，因他深信曆法是研究氣象方式。一次朋友介紹Jeff認識方志剛，一拍即合。從事IT的Joe說，每個颱風都有個性，故有不同移動路徑，話說得很玄，因他是占星家，「好多資深成員談對颱風嘅見解，佢嘅移動路徑」，成員的研究吸引Joe加入，更會撰寫氣象專欄。
野外定向活動教練Cedric簡單得多，天氣變化對他當然吸引，不過「最幫助係戶外活動時決定去定唔去」。受台長影響，家往屯門村屋的Cedric，今年初在天台安裝氣象儀器，數據會分享予地下天文台改進預測，「有時見到自己氣象站有啲數據幾特別，同天文台雷達話落雨有少少分別，一睇真係可能差少少」。
1999年8月，被喻為20年來最強颱風「森姆」襲港，阿恆等成員駕車上大帽山，在山腰停車場測到風速達140公里（達10號風球風力），「當時第一次感受咁強勁風速，大開眼界，但回想過來也算危險，咁空曠車都吹震，如果再大風很容易翻車」。但下山後他們沒有回家，而是駕車到沙頭角追風眼。方志剛回想：「去到好平靜海面冇浪，喺大帽山感受上百公里風速，但去到沙頭角一陣風都冇，好好玩。」不過各成員有家室後，輕狂歲月多了一重枷鎖，近年已較少追風。
鑽研氣象多年，人可勝天嗎？「當你了解多咗氣象就會知道，真係要敬畏大自然，人類真係好渺小」，阿恆認為可以研究氣象，但永遠不能改變其運作。所謂專家，人們都以為個個奇人異士，身懷曠世絕技，但結果各人故事大同小異，望天打卦忽然一道疑問湧上心頭，一心一意找出答案越挖越深，聚首地下天文台是天意，更多是人為。想成為專家?你夠專注嗎？
留言 (0)
