鄭佩佩嫁女 雙喜臨門

【蘋果日報】現年72歲的鄭佩佩昨晚獲華鼎獎大會頒發「終身成就獎」，她台上大講得獎感受：「多謝老胡金銓，冇佢冇鄭佩佩。」另外，鄭佩佩昨晚偕囡囡原子鏸一齊行紅地氈，穿上低胸露背裝現身的原子鏸表示，婚期暫定於明年2月，將在香港舉行婚禮，原子鏸說：「準備得差唔多，好多嘢都唔需要特別去處理，簡單為主，請屋企人一齊喺香港有個ceremony，有個party咁，到時都會簽紙。」
原子鏸的未婚夫是摩洛哥人，她表示準夫婿傳統是結婚前一日不會見面，也不會有港式接新娘、玩新郎儀式。一對新人婚後會急於造人嗎？她笑言：「希望啦！身體一向好健康唔使點調理，順其自然。」不過，鄭佩佩表明不恨抱孫：「依家已經抱唔郁。」