新聞類別
娛樂
詳情#
【蘋果日報】美入行做DJ近25年，多年來身形、聲線保養得宜，經過多年努力，由170磅大肥仔蛻變成養生男，除了養生貼士外，他更提及兩性要注意荷爾蒙水平，更直言女士要靚，就算已婚都要與老公多親熱，提升荷爾蒙保持體態，他認同中國傳統的採陰補陽及採陽補陰說法，就算不親熱，亦要多攬同錫對方。
撰文：盧妹
攝影：陳俊強
下個月踏入45歲的森美，94年參加商台DJ選拔賽入行，開咪20多年，發展成多棲藝人，顏值多年保養得宜，他日前在廣播道商台接受本報專訪，細談養生及養心之道。早前有報道指「強國人飲熱水養生」，他就唱反調：「我朝早鍾意飲大冰水，因為個人唔醒嘛，我知道係唔好嘅。其實飲凍嘢落個胃度，會令身體幫你加熱，正如你飲熱水，身體就會幫你降溫去調節。我問過中醫，原來凍、熱水都唔好，室溫就最啱啦，因為任何令你身體改變溫度去調節狀態都係唔好，所以其實室溫水先最好。」
親熱改變荷爾蒙
在食療養生上，森美有自己心得，笑言秋天令人想起蛇羮、羊腩煲與攬女：「秋天會令人覺得寂寞，就會搵個女嚟攬吓，我講緊自己個女，唔係其他女。」開咪逾20年，他有養聲三寶，其中一樣竟然是辣椒：「有時開唔到聲，食辣椒真係會開到，可能行氣活血，好似你做運動咁，我成日都一路做gym一路唱歌，唱得高音啲㗎。」
提到運動，森美曾是170磅的大肥仔，運動加節食令他收身外，原來調節荷爾蒙都有研究，更透露女士保持年輕的秘密：「已婚女士多啲同老公親熱，可以提升荷爾蒙保持體態，唔係呃你㗎。23歲之後，身體嘅荷爾蒙會下降，多啲運動會幫助到，而心態都係令荷爾蒙分泌好重要嘅一樣嘢。男人要覺得自己成日仲追緊女仔咁，女仔就要諗住自己仲係有人追咁。中國傳統成日話採陰補陽、採陽補陰係真㗎，所以結咗婚嘅人行房都好重要，行房次數正常，係會心境同身體都保持狀態，女性尤其需要。因為你唔再同老公親熱，個身體以為你唔需要生仔，腰就唔再瘦、皮膚又會變，我成日都同身邊啲女仔講，真㗎，就算唔係親熱，攬吓錫吓都好㗎。」
白色謊言增感情
森美算是早婚人士，與太太陳雅嫻結婚已有18年，提到夫妻之間要親熱外，更要講多一點白色謊言，他笑言平日放工回家都會讚太太靚，吸引過以前：「呢啲係講大話，不過係白色大話，有時候太真，覺得老夫老妻有嗰句講嗰句，唔得㗎，需要有啲假話令感情更加好。」
乞人憎演得辛苦
森美曾自爆患抑鬱，他更自封「負能量王」：「做搞笑藝人對生活係好敏感，平日要多思考世界唔make sense嘅嘢先有得笑，你要不斷睇到世界嘅負面先有得笑，如果個世界係正常，就冇嘢值得笑㗎喇。」
由DJ轉型做藝人，森美認為是可預計的運氣，提到拍劇，他說：「冇得瞓嗰陣都會呻，但我都好開心，世界唔係你計劃嘅，但係機會係留畀有準備嘅人。我試過瞓得兩個幾鐘，係好痛苦，但幕後所有人嘅關心係令你好感動。今次我個角色，幾似電台、電影入面嘅我，自大、寸人、不可一世咁。其實我有時係演得辛苦嘅，因為實際嘅我唔係咁，但我都會挑戰吓，有時仲會改到啲對白再衰啲，等自己乞人憎啲。」
撰文：盧妹
攝影：陳俊強
下個月踏入45歲的森美，94年參加商台DJ選拔賽入行，開咪20多年，發展成多棲藝人，顏值多年保養得宜，他日前在廣播道商台接受本報專訪，細談養生及養心之道。早前有報道指「強國人飲熱水養生」，他就唱反調：「我朝早鍾意飲大冰水，因為個人唔醒嘛，我知道係唔好嘅。其實飲凍嘢落個胃度，會令身體幫你加熱，正如你飲熱水，身體就會幫你降溫去調節。我問過中醫，原來凍、熱水都唔好，室溫就最啱啦，因為任何令你身體改變溫度去調節狀態都係唔好，所以其實室溫水先最好。」
親熱改變荷爾蒙
在食療養生上，森美有自己心得，笑言秋天令人想起蛇羮、羊腩煲與攬女：「秋天會令人覺得寂寞，就會搵個女嚟攬吓，我講緊自己個女，唔係其他女。」開咪逾20年，他有養聲三寶，其中一樣竟然是辣椒：「有時開唔到聲，食辣椒真係會開到，可能行氣活血，好似你做運動咁，我成日都一路做gym一路唱歌，唱得高音啲㗎。」
提到運動，森美曾是170磅的大肥仔，運動加節食令他收身外，原來調節荷爾蒙都有研究，更透露女士保持年輕的秘密：「已婚女士多啲同老公親熱，可以提升荷爾蒙保持體態，唔係呃你㗎。23歲之後，身體嘅荷爾蒙會下降，多啲運動會幫助到，而心態都係令荷爾蒙分泌好重要嘅一樣嘢。男人要覺得自己成日仲追緊女仔咁，女仔就要諗住自己仲係有人追咁。中國傳統成日話採陰補陽、採陽補陰係真㗎，所以結咗婚嘅人行房都好重要，行房次數正常，係會心境同身體都保持狀態，女性尤其需要。因為你唔再同老公親熱，個身體以為你唔需要生仔，腰就唔再瘦、皮膚又會變，我成日都同身邊啲女仔講，真㗎，就算唔係親熱，攬吓錫吓都好㗎。」
白色謊言增感情
森美算是早婚人士，與太太陳雅嫻結婚已有18年，提到夫妻之間要親熱外，更要講多一點白色謊言，他笑言平日放工回家都會讚太太靚，吸引過以前：「呢啲係講大話，不過係白色大話，有時候太真，覺得老夫老妻有嗰句講嗰句，唔得㗎，需要有啲假話令感情更加好。」
乞人憎演得辛苦
森美曾自爆患抑鬱，他更自封「負能量王」：「做搞笑藝人對生活係好敏感，平日要多思考世界唔make sense嘅嘢先有得笑，你要不斷睇到世界嘅負面先有得笑，如果個世界係正常，就冇嘢值得笑㗎喇。」
由DJ轉型做藝人，森美認為是可預計的運氣，提到拍劇，他說：「冇得瞓嗰陣都會呻，但我都好開心，世界唔係你計劃嘅，但係機會係留畀有準備嘅人。我試過瞓得兩個幾鐘，係好痛苦，但幕後所有人嘅關心係令你好感動。今次我個角色，幾似電台、電影入面嘅我，自大、寸人、不可一世咁。其實我有時係演得辛苦嘅，因為實際嘅我唔係咁，但我都會挑戰吓，有時仲會改到啲對白再衰啲，等自己乞人憎啲。」
回應 (0)
