【蘋果日報】組合農夫前晚在旺角麥花臣場館舉行演唱會，觀眾入場時，二人已率先坐在台上等候，歡迎觀眾合照及提出問題。正式開騷後，農夫請到場睇騷的余德丞上台，陸永說：「佢暈完醒番，估唔到第一樣嘢係走去買飛，仲係畀錢買飛睇，你唔好怪我哋冇去探你喎！其實余德丞嘅古仔好感人，嗰個人當真係嚇我一跳，但佢醒番嗰吓即刻去買我哋飛，但嗰時我哋係未開賣㗎！」
自嘲曠世奇才
農夫分別感謝18年來幫過二人的人，首先是經理人DJ Tommy，陸永笑說：「18年前收養咗我哋，佢當時望住我哋個樣應該諗，呢兩個人有得做，呢啲曠世奇才樣一定興。」
第二位是鄭裕玲（嘟姐），C君說：「係人都知道佢鍾意鬧人，你哋實覺得佢成日鬧我哋，佢最多鬧垃圾。有次出trip，佢唔可以開夜，所以開工時好早，開早有機會瞓唔醒，但我哋唔可以遲到，就唔化妝唔梳頭衝落樓見嘟姐先，點知佢一見到我就話『剪吓你啲頭髮啦！成個乞兒咁。』我就答佢其實我已經剪咗。」陸永再爆嘟姐喜歡韓團防彈少年團（BTS）：「有次佢想睇騷，但我拒絕咗唔睇，到某日之後，我睇到BTS表演，覺得幾好睇，嘟姐即刻話我『依家你先嚟鍾意，你咁賤格嘅！』」
提到黃子華，農夫表示會花錢買飛睇：「有次有機會去慶功宴，食飽想走嘅一刻，子華叫我哋唔好走傾多陣，我同子華神講我咁鍾意聽你講嘢，但真係頂唔順要走。」至於曾是二人老闆的陳冠希，農夫說：「《O'FAMA》嘅碟令到我哋收到人生第一封律師信，件事關乎兩個團體嘅事，咁啱團體有醜聞，其中一個團體發律信，要求我哋將YouTube MV下架，我哋當然有下架。」
收麥玲玲利是
之後農夫與麥玲玲合唱《風生水起》，二人獲贈每封500元利是。農夫表示曾被同事要求多做商業歌：「有次派歌俾DJ話我哋咁老土仲rap，香港已經唔興，唔通佢睇到個施政報告就話『嘩！仲填海，咁老土。』」C君坦言想移民回到昔日的香港，因當時時光很美好。
採訪：王連連
攝影：仇志德
新聞類別
娛樂
詳情#
回應 (0)
