吳彥祖盼拍《特警3》賀20周年

【蘋果日報】吳彥祖、衛詩雅及內地演員王千源主演電影《限期破案》前晚在江門開鏡，近年和妻女在美國生活的吳彥祖，坦言掛念香港和港式高效率拍攝手法：「每兩集換導演，大家唔會有好長久嘅關係。」他又指為囡囡Raven在美國報讀中文學校：「今年第一年讀幼稚園，學中文唔可以缺少，我唯一後悔細個冇學好中文，唔想阿女大個後悔。」他早前到希臘為謝霆鋒真人騷《鋒味》做嘉賓，自言想聯同馮德倫合作開拍《特警新人類3》，作為20周年紀念。
衛詩雅表示花了三個月訓練體能：「我唔想輸，身邊全部都係男仔，手瓜等於我腳咁粗，我飲埋奶粉，戒油、鹽、糖希望操大隻啲。」
採訪、攝影：曾小嘉