新聞類別
財經
詳情#
【蘋果日報】臨近年尾，又是姜偉忠金龍醒獅團最繁忙的時刻，活動定單已排至明年新年。登門造訪其葵涌工廈的新址，姜偉池（三姜）逐一打點，神壇早設好，關二哥、各祖上一早安頓，「一代宗師」的牌匾也已高掛。但說到最吸晴的，仍是現場近百隻獅頭，隻隻顏色sharp醒之極，又好像着著眼望住你笑。
記者：廖麗濤
三姜和兩位哥哥，將傳統老舊且帶濃烈江湖味的舞獅表演注入新意潮味，又把向來神聖不可侵的千年瑞獸弄得人見人愛，難怪接手武館後把舞獅做到風生水起，成為年收入八位數字的生意，近年更開始舞入大陸市場賺人仔。
三兄弟中排最細、人稱三姜的姜偉池，主力負責獅團業務發展。自90年代初開始改革舞獅，包括制服、獅子顏色、表演形式等。三姜舉例：「傳統醒獅舞一個鐘頭，我哋將佢濃縮到十分鐘，將最好嘅嘢拎出來畀觀眾睇，然後又創新好多難度動作同埋高空表演；獅頭以往清一色黑、白、頂籠紅，但現時只要你講得出，我哋都幫你做到。」他還說以前獅子樣貌較凶猛威嚴，如今則cute啲、入屋啲，小朋友見到都好開心。
那時候還未有社交媒體，他們的新派舞獅紅起來，靠的是現場觀眾反應和客戶口碑，且當時正值香港經濟起飛，很多品牌主動找姜氏為活動舞獅助慶。而講到令姜氏聲名鵲起，是2009年他們在旺角朗豪坊的一場潮獅展，請來葛民輝、關楚耀等娛樂圈和時尚界人士設計獅頭，展覽之餘更行了場舞獅Catwalk。「我15、16歲開始去啲娛樂圈或喜慶活動做表演舞獅，認識到一班朋友，於是大膽邀請，佢哋都好好人，又覺得幾得意喎，就咁做咗件事出來。」三姜笑指當時是自己cold call朗豪坊：「係啊，我就係用最原始嘅方法。」
武館開支大 非穩賺生意
那次之後就有Adidas主動找三姜幫品牌設計一系列獅子；2015、2016年銅鑼灣時代廣場也邀請三姜作個人展，展出其珍藏的獅頭和設計。相對一些專注傳統演出的前輩，充滿潮味的演出正是他們的獨特賣點，例如hip-hop醒獅。「我好清楚我哋對緊邊班客戶。」他說。
拍照時，三姜特別吩咐徒弟把一隻橙金色獅子拿出來，擺在當眼位置。「當年接手武館時，爸爸同師公（周漢興）都冇咩留低，我哋用僅餘幾百蚊去買一隻咁嘅金色獅返嚟。」
多年來堅持經營武館獅團，三姜說只因幾兄弟由細到大生活上都圍繞獅子，對舞獅確是鍾意得好緊要。至於不斷創出新點子，他坦言是逼出來：「嗰陣爸爸叫我執咗佢啦，以前武館好多師傅教拳為生，但後來已經搵唔到食；又冇咁多舞獅演出機會，最多係酒樓街市開張搵吓你，根本支持唔到成間武館。我哋三兄弟嗰陣時就諗，如果再係咁就冇得玩，為咗繼續生存，就一定要轉型。」
姜偉忠金龍醒獅團近年炙手可熱，一年接數百場表演，三姜直言每年營業額千萬，但卻指這並非一門穩賺的生意。「開武館開支非常大，唔好講錢先，起碼要有一個地方擺呢啲獅頭，仲有鑼鼓喳、器材、制服、旗幟，甚至梅花樁。」他們的新址逾4,000呎，還未計要用埋工廈天台。他苦笑說，「一年大約要整百幾隻獅子，靚啲嘅獅頭每隻要萬幾兩萬蚊，獅頭係紙紮嘢，香港天氣潮濕，唔用擺喺度都會爛；梅花樁一套價值六位數字，一支梅花樁又要用四支不銹鋼螺絲，螺絲都幾百蚊套，亦經常損耗。」三姜指大家眼前所見資產，總值超過200萬，不計十幾個主力到學校教舞獅的全職教練及一位會計薪金，以及每次表演的人工雜費，單是租金燈油火蠟每個月已七至八萬元。
一份尊重 較錢銀更重要
由於每場舞獅折損不少，絕多數大客又要求用新獅頭。三姜不諱言生意增多至500場、1,000場都無大着數。「一定要畀到合理budget，譬如之前Formula E開幕，我哋出動100隻獅同埋好多條龍，全隊成300人，貨車都要用十部八部，每個隊員又要食一餐，呢啲好實際，都要打埋落成本到。」他承認姜氏的舞獅在市場上應是最貴的。「我可以講，搵得姜氏就係一個信心保證。」
對三姜來說，比錢銀更重要的，是一份尊重：「搞得武館都有個宗旨，就係唔會俾你鄙視。大家合作，而唔係我去求你，同埋全部隊員都好辛苦，玩梅花樁亦好危險，搵命博。其實有好多大客戶對我哋都好尊重，好有信心，成日話得啦，你話事。」
記者：廖麗濤
三姜和兩位哥哥，將傳統老舊且帶濃烈江湖味的舞獅表演注入新意潮味，又把向來神聖不可侵的千年瑞獸弄得人見人愛，難怪接手武館後把舞獅做到風生水起，成為年收入八位數字的生意，近年更開始舞入大陸市場賺人仔。
三兄弟中排最細、人稱三姜的姜偉池，主力負責獅團業務發展。自90年代初開始改革舞獅，包括制服、獅子顏色、表演形式等。三姜舉例：「傳統醒獅舞一個鐘頭，我哋將佢濃縮到十分鐘，將最好嘅嘢拎出來畀觀眾睇，然後又創新好多難度動作同埋高空表演；獅頭以往清一色黑、白、頂籠紅，但現時只要你講得出，我哋都幫你做到。」他還說以前獅子樣貌較凶猛威嚴，如今則cute啲、入屋啲，小朋友見到都好開心。
那時候還未有社交媒體，他們的新派舞獅紅起來，靠的是現場觀眾反應和客戶口碑，且當時正值香港經濟起飛，很多品牌主動找姜氏為活動舞獅助慶。而講到令姜氏聲名鵲起，是2009年他們在旺角朗豪坊的一場潮獅展，請來葛民輝、關楚耀等娛樂圈和時尚界人士設計獅頭，展覽之餘更行了場舞獅Catwalk。「我15、16歲開始去啲娛樂圈或喜慶活動做表演舞獅，認識到一班朋友，於是大膽邀請，佢哋都好好人，又覺得幾得意喎，就咁做咗件事出來。」三姜笑指當時是自己cold call朗豪坊：「係啊，我就係用最原始嘅方法。」
武館開支大 非穩賺生意
那次之後就有Adidas主動找三姜幫品牌設計一系列獅子；2015、2016年銅鑼灣時代廣場也邀請三姜作個人展，展出其珍藏的獅頭和設計。相對一些專注傳統演出的前輩，充滿潮味的演出正是他們的獨特賣點，例如hip-hop醒獅。「我好清楚我哋對緊邊班客戶。」他說。
拍照時，三姜特別吩咐徒弟把一隻橙金色獅子拿出來，擺在當眼位置。「當年接手武館時，爸爸同師公（周漢興）都冇咩留低，我哋用僅餘幾百蚊去買一隻咁嘅金色獅返嚟。」
多年來堅持經營武館獅團，三姜說只因幾兄弟由細到大生活上都圍繞獅子，對舞獅確是鍾意得好緊要。至於不斷創出新點子，他坦言是逼出來：「嗰陣爸爸叫我執咗佢啦，以前武館好多師傅教拳為生，但後來已經搵唔到食；又冇咁多舞獅演出機會，最多係酒樓街市開張搵吓你，根本支持唔到成間武館。我哋三兄弟嗰陣時就諗，如果再係咁就冇得玩，為咗繼續生存，就一定要轉型。」
姜偉忠金龍醒獅團近年炙手可熱，一年接數百場表演，三姜直言每年營業額千萬，但卻指這並非一門穩賺的生意。「開武館開支非常大，唔好講錢先，起碼要有一個地方擺呢啲獅頭，仲有鑼鼓喳、器材、制服、旗幟，甚至梅花樁。」他們的新址逾4,000呎，還未計要用埋工廈天台。他苦笑說，「一年大約要整百幾隻獅子，靚啲嘅獅頭每隻要萬幾兩萬蚊，獅頭係紙紮嘢，香港天氣潮濕，唔用擺喺度都會爛；梅花樁一套價值六位數字，一支梅花樁又要用四支不銹鋼螺絲，螺絲都幾百蚊套，亦經常損耗。」三姜指大家眼前所見資產，總值超過200萬，不計十幾個主力到學校教舞獅的全職教練及一位會計薪金，以及每次表演的人工雜費，單是租金燈油火蠟每個月已七至八萬元。
一份尊重 較錢銀更重要
由於每場舞獅折損不少，絕多數大客又要求用新獅頭。三姜不諱言生意增多至500場、1,000場都無大着數。「一定要畀到合理budget，譬如之前Formula E開幕，我哋出動100隻獅同埋好多條龍，全隊成300人，貨車都要用十部八部，每個隊員又要食一餐，呢啲好實際，都要打埋落成本到。」他承認姜氏的舞獅在市場上應是最貴的。「我可以講，搵得姜氏就係一個信心保證。」
對三姜來說，比錢銀更重要的，是一份尊重：「搞得武館都有個宗旨，就係唔會俾你鄙視。大家合作，而唔係我去求你，同埋全部隊員都好辛苦，玩梅花樁亦好危險，搵命博。其實有好多大客戶對我哋都好尊重，好有信心，成日話得啦，你話事。」
留言 (0)
