梁詠琪自嘲聖誕做垃圾婆

【蘋果日報】梁詠琪（GiGi）前晚在銅鑼灣出席活動，她表示最鍾意聖誕節：「每年我都好似垃圾婆咁，收集包裝紙同絲帶，喺聖誕就會DIY做聖誕裝飾，老公Sergio隻腳好大，佢隻襪就用嚟放禮物，環保啲。」
GiGi提到老公的西班牙家鄉習俗，每個家人都會送三份禮物畀小朋友，她說：「我第一年都有follow㗎，不過覺得唔使咁多，六合一就夠，唔使太多物質，有禮物當然開心，但係優質嘅親子時間更重要，去遊樂場玩一日，雖然攰過買禮物，但係有父母陪佢哋就開心。」GiGi指今年仍未準備禮物給囡囡，不過就忙於為囡囡撲音樂劇門票及安排小朋友開聖誕派對。
採訪：羅慧敏
攝影：林賓尼