【娛樂人物】林曉峰中年不輕鬆

【蘋果日報】香港人壽命冠絕全球，成為最長壽地區，原來人到中年，仍有很長日子要過。現年48歲的林曉峰，人生走了一大段路，甜酸苦辣都嚐過，未來還要迎上各種挑戰，而他發覺目前最需要先處理好中年危機問題，為了不被淘汰，不斷自我提醒，時刻不能鬆懈，保持學習態度，原來人到中年一點也不輕鬆。
撰文：曹家誠
攝影：林德雄
林曉峰（阿Lo）早前離開無綫轉投ViuTV，擔任多個綜藝節目主持，早前他在將軍澳錄影節目後，接受本報專訪，談到先後任職兩間機構的感覺，他說：「我唔係為轉而轉，純粹係希望有啲改變，因為我好怕悶，好驚俾人淘汰，喺一個地方太耐好容易就冇咗鬥志同動力，當每次都有呢個念頭就係提醒自己係時候要轉一轉。」
談到節目拍檔陳俞希（Hailey）、英健朗（小占）及外甥女李澄（西瓜），都和阿Lo有年齡上的差距，阿Lo坦言：「好怕人哋同我講，一路睇我做過嘅節目，咁樣大家會好拘謹，對我嚟講我係nothing，只係其中一位主持人。好似我呢種有中年危機嘅人，更應該時刻保持學習態度。」
知識解決問題
另一個令阿Lo覺得有中年危機原因，是看到一對兒子漸長大，阿Lo說：「依家佢哋都唔需要特別照顧，全部都忙過我，老婆有自己嘅音樂工作，兩個仔又有佢哋嘅生活圈子，所以我更加要努力，唔好被淘汰。」阿Lo的長子林寶現年15歲，他指如果兒子想入行不會反對：「我有同佢哋講，日後如果真係入行會面對啲乜嘢，你哋頂得順咪繼續做囉，但最緊要一定要讀好書，有知識先至可以解決好多問題。」
另外，提到和西瓜主持旅遊節目，阿Lo感慨謂：「諗番起佢以前仲係手抱嘅時候，我抱佢返電台報交通。經過一齊做嘢，先至發現西瓜大個女。」