張崇基開騷屋企火燭失逾百萬

【蘋果日報】張崇基與張崇德前晚在灣仔伊館，舉行「基會難德新．生．日演唱會2018」第二場。繼大前晚邀得黎瑞恩做嘉賓，崇基、崇德前晚就請到蔡一傑。崇德在台上笑說：「我哋係『草蜢2018』！出道時，梅姐（梅艷芳）帶我哋去瀋陽做扶貧，落車之後，梁漢文行先，跟住到我哋，我見到啲人掌聲熱烈，當時心裏面好歡喜，但原來啲人以為我哋係草蜢。」正牌草蜢的蔡一傑在旁立刻大笑。
暫居酒店
崇德在台上透露哥哥崇基早前家中失火，苦笑道：「佢最近無家可歸，希望觀眾可以鼓勵佢多啲。」又言工作雖然困難，但會一直堅持。崇基於完騷後接受訪問，他透露家中失火是因為電線短路：「工人姐姐間房火燭，消防員同我講間屋嚴重焚毀，我間屋新裝修只係幾個月，損失慘重，超過七位數。細佬好擔心我心情，依家間屋原封不動，完咗個騷先搞，當日出動四架消防車、兩架警車，嚴重少少就上港聞版。」他指現時只好暫住酒店，太太就返娘家。
採訪：黃曉妍
攝影：林賓尼